Պուտինն առաջարկել է ԱՊՀ շրջանակներում հրաժարվել դոլարից
ՌԴ նախագահ Վլադիմիր Պուտինը Պետդումա է ուղարկել ԱՊՀ շրջանակներում դոլարից հրաժարվելու մասին օրինագիծ, ինչը նշանակում է, որ Ռուսաստանի, Հայաստանի, Բելառուսի, Ղազախստանի, Ղրղզսանի, Տաջիկստանի և մյուս երկրների միջև ձևավորվելու է միասնական ֆինանսական շուկա: Այս մասին հաղորդում է ռուսական Вести.ru լրատվական պորտալը:
ՌԴ նախագահի կայքում տեղ գտած հաղորդագրության համաձայն` «ԱՊՀ անդամ երկրներրի միջև ինտեգրված արժութային շուկայի ձևավորման ոլորտում համագործակցության մասին համաձայնագրի» շրջանակներում ձևավորվելու է մեխանիզմ, որը թույլ կտա հրաժարվել դոլարից և եվրոյից` որպես վճարային միջանկյալ արժույթների:
ԵԱՏՄ անդամ երկրները մինչ այս արդեն քննարկել էին սեփական արժույթներով առևտուր անելու հնարավորությունների մասին: Ըստ ձեռք բերված համաձայնության` Ռուսաստանը, Բելառուսը, Հայաստանը և Ղազախստանը 2025-2030թթ-ին պետք է անցում կատարեին ազգային արժույթներով վճարումների կատարմանը:
Ներկայումս ԵԱՏՄ անդամ երկրների միջև վճարային շարժը կեսից ավել չափով կատարվում է դոլարով և եվրոյով, ինչը մեծացնում է միության կախվածությունն այդ արժույթները թողարկողներից:
Լրահոս
Տեսանյութեր
«Հավերժի ճամփորդներ». Զոհված տղաների պատմություններն ու երազանքները՝ առցանց ցուցադրությամբ