Երիտասարդ մասնագետների համար կառուցվող շենքերում շինարարությունն ընթանում է լայն թափով. Արսեն Քարամյան. Tert.am
Ֆինանսական շուկայում վերջին օրերին տիրող իրավիճակը որոշակի անհանգստություն է առաջացրել սոցիալական բնակարանաշինական ծրագրերով բնակարան ձեռք բերող երիտասարդ ընտանիքների շրջանում: Շինարարության ներկայիս ընթացքի, դրա վրա անկայուն ֆինանսական շուկայի հնարավոր ազդեցությունների և հետագա ծրագրերի կապակցությամբ Tert.am-ը պարզաբանումներ է խնդրել ՀՀ սպորտի և երիտասարդության հարցերի նախարարի տեղակալ, ԵՊՀ շրջանավարտների միավորման նախագահ Արսեն Քարամյանից:
- Պարո՛ն Քարամյան, տեղյակ ենք, որ 2008 թվականից ԵՊՀ շրջանավարտների միավորումը հաջողությամբ իրականացնում է սոցիալական բնակարանաշինական ծրագրեր: Մի քանի խոսք դրանց ընթացքի վերաբերյալ։
-Ճիշտ նկատեցիք, որ ԵՊՀ շրջանավարտների միավորումը 2008 թվականից Հայաստանի Հանրապետության Նախագահի բարձր հովանու ներքո հաջողությամբ իրականացնում է բնակարանային ապահովության սոցիալական ծրագրերի մի շարք, որի նպատակը երիտասարդ մասնագետներին մատչելի պայմաններով բնակարան ձեռք բերելու հնարավորության ընձեռումն է: Այդ ծրագրերի շրջանակում արդեն իսկ սեփական բնակարանով ապահովվել են ավելի քան 1250 երիտասարդ ընտանիքներ: Հաջորդ տարվա առաջին եռամսյակում մենք շահագործման կհանձնենք ևս մեկ բազմաբնակարան համալիր, որը բնակարանային ապահովում կբերի ևս 290 երիտասարդ ընտանիքների: Մյուս, թերևս մեր ամենամեծ ծրագիրը, կավարտվի արդեն 2015թ. տարեվերջին մոտ և 490 բնակարաններ ժամանակից հարդարանքով կհանձնվեն շահագործման:
-Հայաստանի ֆինանսական շուկայում վերջին օրերին տեղի ունեցող վայրիվերումներն որքանո՞վ են ազդում Ձեր ծրագրերի վրա և կա՞ արդյոք մտավախություն, որ դրանք ինչ-որ պահի կանգ կառնեն:
- Այդպիսի մտավախություն այս պահին չունենք: Մեր բոլոր ընթացիկ շենքերում շինարարությունն իրականացվում է լայն թափով և ամենակարևորը՝ պատշաճ որակով, որին, ի դեպ, նպաստում է նաև բավականին տաք եղանակային պայմանները: Իհարկե, շինարարական աշխատանքներն իրականացնող կազմակերպությունների համար ծագել են որոշակի ֆինանսական դժվարություններ, որովհետև գիտեք, որ նախ մեր բնակարանների գինը խիստ մոտեցված է իրական ինքնարժեքին, և երկրորդ՝ ներքին հարդարման նյութերի մեծ մասը ներմուծվում է արտերկրից: Սակայն կարծում ենք, որ այն ինչ ներկայումս տեղի է ունենում մեր ֆինանսական շուկայում կրում է ժամանակավոր բնույթ և չի արտահայտում շուկայի իրական վիճակը: Ներկայումս ֆինանսական շուկան ունի կայունացման միտում և հուսով ենք, որ այն զերծ կմնա այնպիսի խորքային փոփոխություններից, որոնք կստիպեն մեր ծրագրերը չվտանգելու նպատակով դիմելու այլ գործիքակազմերի կիրարկմանը: Համենայն դեպս, արժութային վայրիվերումների ֆոնին, ընթացիկ ծրագրերի հաջող ավարտի հետ կապված բացասական սպասումներ՝ այս պահին չունենք: Սակայն, օգտվելով առիթից հորդորում եմ մեր բոլոր շահառուներին պահպանել ֆինանսական կարգապահությունը, պայմանագրով սահմանված ժամկետներում հստակ կատարել վճարումները՝ չվտանգելով մեր և շինկազմակերպությունների միջև գործող պայմանագրերի կատարումը:
Մանրամասները՝ սկզբնաղբյուր կայքում:
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին