Ձեր վստահելի աղբյուրը

Պետական գույքի մասնավորեցումից, օտարումից և վարձակալությունից 2014 թվականին գոյացել է 2 մլրդ 183 մլն 381 հազար դրամ, որն ուղղվել է պետական և համայնքային բյուջեներ: Այս մասին հայտնում է ՊԳԿ վարչության մամուլի ծառայությունը:

2014 թվականին պետական գույքի օտարումից գոյացել է 1 մլրդ 665 մլն 604 հազար դրամ, որից համապատասխանաբար պետական բյուջե է փոխանցվել 1 մլրդ 488 մլն 783 հազար դրամը, իսկ համայնքային բյուջեներ՝ 176 մլն 821 հազար դրամը:

Աղբյուրի փոխանցմամբ՝ 2014թ. ընթացքում պետական գույքի մասնավորեցումից ստացված միջոցները կազմել են 178 մլն 352 հազար դրամ, որից պետական բյուջե է փոխանցվել 144 մլն 150 հազարը, 34 մլն 202 հազար դրամը` համայնքային բյուջեներ:

ՊԳԿ վարչության ներկայացրած տվյալները՝ ստորև.

• Վարչության կողմից կնքված ոչ բնակելի տարածքների վարձակալության պայմանագրերի հիման վրա 2014թ. փաստացի պետական բյուջե է մուտքագրվել 277 մլն 546 հազար դրամ` նախատեսված 249 մլն դրամի փոխարեն:
• ՊՈԱԿ-ներին անհատույց ամրացված գույքի` աճուրդով մինչև մեկ տարի ժամկետով վարձակալության տրամադրումից 2014թ. ՊՈԱԿ-ների բյուջե է մուտքագրվել 133 մլն 769 հազար դրամ:
• Հայաստանի Հանրապետության պետական սեփականություն հանդիսացող շենքերի և շինությունների տանիքներին ու ձեղնահարկերում կապի սարքավորումների տեղակայման և սպասարկման վարձակալության պայմանագրերի հիման վրա 2014թ. ընթացքում ընդամենը երկու ամսում փաստացի մուտքագրվել է 4 մլն 414 հազար դրամ, որից համապատասխան ՊՈԱԿ-ների բյուջեներ` մոտ 3.5 մլն դրամ, պետբյուջե` 938 հազար դրամ:
• Անշարժ գույքի օտարման դեպքում հողերի կադաստրային արժեքի վճարումներից գոյացել է շուրջ 57 մլն դրամ:
• Հանրագումարով ՊԳԿ վարչության կողմից 2014թ-ին հավաքագրված, պետբյուջե ու համայնքային բյուջեներ ուղղված գումարները կազմել են 2 մլրդ 183 մլն 381 հազար դրամ:
Համակարգում վերջին տարիների ընթացքում մեկ միլիարդ դրամի շեմն առաջին անգամ հատվել է 2012թ.:
• 2012թ. առայսօր ՊԳԿ վարչությունը 6 մլրդ 411 մլն 980 հազար դրամի մուտքեր է ապահովել, որից պետբյուջե` 5 մլրդ 237 մլն 485 հազար դրամ, համայնքային բյուջեներ` 1 մլրդ 171 մլն 19 հազար դրամ:
• 2014 թվականի ընթացքում Վարչության կողմից` Ադրբեջանից բռնագաղթած և Հայաստանի հանրապետության քաղաքացիություն ստացած և տեղաբնակ 37 ընտանիքներ /102 անձ/ անհատույց դարձել են իրենց զբաղեցրած 42 սենյակի սեփականատերը:
• Վերջին 3 տարվա ընթացքում կառավարության համապատասխան որոշումներով հանրակացարաններում բնակվող տեղաբնակ և բռնագաղթած 235 ընտանիքներ /558 անձ/ դարձել են իրենց զբաղեցրած բնակելի տարածքների օրինական սեփականատերը. նրանց է հատկացվել 268 սենյակ:
• 2014թ. պետական մասնակցությամբ 373 առևտրային կազմակերպությունների 2013թ. տարեկան և 346 առևտրային կազմակերպությունների 2014թ. 1-ին կիսամյակի ֆինանսատնտեսական վիճակի դիտարկում և վերլուծություն է իրականացվել:
• 2015 թվականի հունվարի 1-ի դրությամբ լուծարման գործընթացում է 46 կազմակերպություն:
2014 թվականի ընթացքում լուծարման հանձնաժողովների կողմից ձեռնարկած միջոցների արդյունքում մարվել է շուրջ 146 մլն 525 հազար դրամի կրեդիտորական պարտք (ցուցանիշը աճել է 61 տոկոսով):
• 2014 թվականի ընթացքում մասնավորեցման և օտարման պայմանագրերով 25 գնորդների ստանձնած ներդրումային պարտավորությունները կազմել են 10 մլրդ 757 մլն դրամ և 4մլն 270 հազար ԱՄՆ դոլար, սոցիալական երաշխիքների ապահովման մասով նախատեսվել էր ապահովել 47 աշխատատեղ:
Տարվա ընթացքում պայմանագրային պարտավորությունները կատարել են 13 գնորդ, թերացել է 4 գնորդ, որոնց չկատարած ներդրումները կազմել են 63.5 մլն դրամ: 8 գնորդի` 2014թ. ստանձնած պայմանագրային պարտավորությունների ժամկետը դեռևս չի լրացել:
• 2014թ. Վարչության գործունեության արդյունքում պետական բյուջե է վերադարձվել 38 մլն 563 հազար դրամ, որից` 35 մլն 879 հազարը հարուցված հայցերի, մնացածը` բանակցությունների արդյունքում:
• 2014թ. նախագծվել և գործարկվել է Վարչության պաշտոնական նոր կայքը` www.spm.am
• Վարչությունը էլեկտրոնային և թղթային փոստով 2014թ. առաքել ու ստացել է 14501 գրություն, որից 1271-ը` քաղաքացիներից: