Ձեր վստահելի աղբյուրը

Համաշխարհային բանկի մասնագետների կողմից «Նաիրիտ» գործարանում անցկացված տեխնիկական աուդիտի պատասխանը կլինի երկու օրից և պարզ կլինի գործարանի հետագա ճակատագիրը՝ արդյոք տեխնիկապես հնարավոր է վերագործարկել, թե ոչ և արդյոք արդյունավետ կլինի վերագործարկումը: Կառավարության նիստում հայտարարեց էներգետիկայի և բնական պաշարների նախարար Երվանդ Զախարյանը:

Նա նաև հայտնեց, որ այս պահին գործարանի գույքի վաճառքի ուղղությամբ տարվում են բանակցություններ, առաջիկա 1-2 ամսվա ընթացքում որոշակի հստակություն կլինի:

«Ընկերության կառավարման խորհրդի հետ միասին ամեն ինչ անում ենք, որ գույքի վաճառքն արագացվի: Միայն այդպես է հնարավոր վճարել աշխատակիցների կուտակված պարտքը», -ասաց նախարարը:

Հիշեցնենք, որ գործարանի աշխատակիցները 12-16 ամսվա կուտակված աշխատավարձերի պարտք ունեն:

Ե. Զախարյանի խոսքով, նաև բանակցություններ են տարվում Միջպետական բանկի հետ՝ գրավադրված գույքը վերադարձելու ուղղությամբ:

«Որոշակի արդյունք դեռ չկա, բայց հույս կա, որ մոտ ժամանակներում այդ հարցն էլ կկարգավորվի»,- ասաց նա:

Կենտրոնական բանկի նախագահ Արթուր Ջավադյանն էլ նշեց, որ դիմել են Միջպետական բանկին՝ դրսևորել բարի կամք և զիջել այդ վարկը, վերադարձնել բաժնետոսմերն ու գրավադրված գույքը:

«Մենք դիմել ենք այդ խնդրանքով՝ հաշվի առնելով այն հանգամանքը, որ գործարանի կողմից վարկ մարելու հավանականությունը հավասար է զրոյի»,- ընդգծեց նա:

ԿԲ նախագահի խոսքով, դիմել են իրենց ռուս գործընկերներին, որպեսզի իրենց հերթին աջակցեն գործընթացի արագացմանը: «Հնարավորության պարագայում, խոսք են տվել, մոտակա ամիսների ընթացքում գույքն ամբողջությամբ փոխանցել Հայաստանի կառավարությանը», -ասաց Արթուր Ջավադյանը:

Նախորդող հրապարակումներ՝

Վարչապետն ընդունել է նաիրիտցիներին. «Մենք ինչ խոստացել ենք, կատարել ենք»
Նաիրիտցիները քաղաքական որոշում են պահանջում
«Հավատում եմ, որ «Նաիրիտը» կարող է վերագործարկվել»
Զուրաբյանը՝ նաիրիտցիներին. Փորձում էինք հասնել արմատական փոփոխություն, տեսաք՝ ինչ եղավ
Նաիրիտցիները դիմում են Մարդու իրավունքների պաշտպանին
Նախարարի հետ հանդիպումը նաիրիտցիներին որևէ հույս չի տվել
Երվանդ Զախարյանն ընդունելու է նաիրիտցիներին
«Եթե նախարարի վերադառնալուց հետո մեզ նորից չընդունեն, դա կդիտվի արհամարհելու միտում». Նաիրիտցիներ
Նաիրիտցիները հույսները չեն կորցնում
Նաիրտցիները մինչև մարտի 3-ը դադարեցնում են ակցիաները
«Նաիրիտ» . Նախարարը կատարել է իր խոստումը
Նաիրիտցիները՝ նամակի պատասխանին սպասելիս
Կիրականացվի «Նաիրիտ»-ի գործունեությանն առնչվող շրջակա միջավայրի ուսումնասիրություն. ՀԲ Երևանի գրասենյակ
Նաիրիտցիները մինչև ուրբաթ ամեն օր կհավաքվեն կառավարության շենքի առջև
Կրճատվել են Նաիրիտ Գործարան ՓԲԸ 1700 աշխատակիցներ
Նախարարի հետ հանդիպումը նաիրիտցիների համար հուսադրող չէ
Նաիրիտցիները կսպասեն մինչև փետրվարի 2-ը
Նաիրիտցիները շարունակելու են բողոքի ակցիաները
Նաիրիտցիներին կառավարության պատասխանը բացարձակապես չի բավարարել
Նաիրտցիների առաջիկա քայլերը կախված են լինելու նամակի պատասխանից
«Ոչ մի նոր բան». Նաիրիտցիները կրկին հանդիպեցին վարչապետին
«Մեր խնդիրն է նայել ապագային, ոչ թե անցյալին». Վարչապետ
Նաիրիտցիները վարչապետին նոր տեղեկատվություն են հայտնել
«Նաիրիտ»-ը նոր պայմանագրեր կկնքի ձեռնարկության շուրջ 500 աշխատողի հետ
Վարչապետն ընդունել է նաիրիտցիներին