Ձեր վստահելի աղբյուրը

«Շանթ Հարությունյանը փետով խփել է փորիս: Բացի նրանից, ևս երեք հոգի հարվածել են գլխիս, ուսիս, մեջքիս: Բախտի բերումով մարմնական վնասվածք չստացա, ֆիզիկական ցավ ստացել եմ: Սա է իմ բողոքը»,- Կենտրոն եւ Նորք-Մարաշ համայնքների ընդհանուր իրավասության դատարանում «Ցեղակրոն» կուսակցության առաջնորդ Շանթ Հարությունյանի ու մյուսների գործով այսօրվա դատական նիստում հայտարարեց տուժող ոստիկան Վարդան Գևորգյանը: Ներկայումս նա Կենտրոնի ոստիկանապետի տեղակալն է:

«Նոյեմբերի 5-ին լրատվամիջոցներից իմացել ենք, որ երթ է լինելու: Ես եղել եմ ծառայության: Եկել ենք օպերա: Օսիպյանը մոտեցել է Շանթ Հարությունյանին, հարցրել, թե ուր են գնում, ինչ են անում: Փորձել ենք ճշտել ուղղությունը, պլանները: Նրանք բերել էին մասկաներ, փետեր: Երթով շարժվեցին Մաշտոցի պողոտա: Մենք հույս ունեինք, որ մայթով կգնան ու փողոց դուրս չեն գա, բայց դուրս եկան։ Մի երկու ոստիկան դուրս եկան փողոց, ասացին Շանթին, որ մայթ գան: Դրանից հետո մյուս համախոհները դուրս եկան փողոց, սկսվեց քաշքշուկ: Շանթին մոտիկացա, հետևից վերցրեցի, որ քաշեմ մայթ: Երեք հոգի մոտեցան, փետով խփեցին ինձ, ոստիկանի գլխարկս թռավ»,- պատմեց նա:

Վ. Գևորգյանի խոսքից հետո Շանթ Հարությունյանն ասաց. «Դոք նորմալ նկարագրեցիք: Բայց գիտեիք, որ մենք խուլիգանություն չէինք անում, մենք քաղաքական դիրքորոշում ունեիք, անձնավորված չէր։ Դուք ձեր ծառայությունն էինք իրականացնում, մենք՝ մեր»։

Գործով փաստաբան Ինեսա Պետրոսյանը մի քանի հարցով դիմեց տուժող ոստիկանին, ստացավ պատասխաններ, սակայն մի քանի դատարանին մեղադրեց կողմնակալության մեջ. «Առարկում եմ դատարանի գործողությունները: Դատարանը կողմնակալ մոտեցում է ցույց տալիս, տուժող ոստիկաններին թույլ է տալիս, որ մտնեն ծառայողական մուտքով: Հենց այդտեղից երևում է, որ դատարանը կողմնակալ մոտեցում ունի և ի սկզբանե տրամադրված էր պաշտպանական կողմի հարցերը հանել»:

Դատավորը պարզաբանեց, որ դատական նիստում կարգը սահմանում է նախագահող դատավորը, ապա հավելեց, որ ծառայողական մուտքից ներս են մտնում նաև գործում ամբաստանյալները:

Այսօրվա դատական նիստում ավարտվեց գործով տուժողների հարցաքննությունը: Հաջորդ դատական նիստի ժամանակ, որը տեղի է ունենալու օգոստոսի 13-ին, կսկսեն ցուցմունքներ տալ ամբաստանյալները:

Նախորդող հրապարակումներ՝
Շանթի և մյուսների գործ. «Մայրիկ ջան, ո՞նց ես արել, որ սենց լավ տղա ես դաստիարակել»
Շանթի և մյուսների գործ. Ոստիկանը տուժող է ճանաչվել ընդամենն աչքերը մրմռալու համար
«Թքած ձեր օրենքի վրա, դուք սիրտ չունեք». Միջադեպ Շանթի գործով նիստին
Շանթ Հարությունյանը պատմեց կասկածելի ոստիկանի մասին, իսկ դատավորը զգուշացրեց սանկցիա կիրառել
Դիմադրությունը սկսվել է այն ժամանակ, երբ ոստիկանը քաշքշել է Շանթին. Փաստաբանները` նախաքննության սխալների մասին
Շանթի և մյուսների գործով դատական նիստում հնչել է Վալերի Օսիպյանի անունը