Դավութօղլու. Չենք ուզում ապրիլի 24-ին դեմ հանդիման մնալ Ցեղասպանության խնդրի հետ
Թուրքիայի արտգործնախարար Ահմեթ Դավութօղլուն քառօրյա այցով այսօր մեկնելու է Միացյալ Նահանգներ: Թուրքական «Sabah»-ի տեղեկացմամբ` Դավութօղլուն ԱՄՆ հասարակական ու քաղաքական շրջանակների հետ ունենալիք իր շփումների ընթացքում ներկայացնելու է Անկարայի մտահոգությունները տարբեր խնդիրների առնչությամբ: Թուրքիայի ԱԳՆ ղեկավարը հանդիպելու է ԱՄՆ պետքարտուղար Հիլարի Քլինթոնի, ազգային անվտանգության հարցերով խորհրդական Թոմ Դոնիլոնի և մի շարք կոնգրեսականների հետ: Պարբերականի տեղեկացմամբ` Դավութօղլուն բոլոր այդ հանդիպումներում ամերիկյան կողմին հղելու է այսօրինակ ուղերձներ.
Իսրայել
Թուրքիան չի դադարելու ներում և փոխհատուցում պահանջել Իսրայելից միջերկրածովյան արյունոտ միջադեպի համար: ՄԱԿ-ում շարունակվող համապատասխան հետաքննչական գործընթացում ակնկալում ենք ԱՄՆ-ի աջակցությունը:
Իրան
ՄԱԿ-ում Թուրքիայի օգտագործած «ոչ» քվեի գլխավոր նպատակը պատերազմի կանխումն էր: Այդ իմաստով Արևմուտքի և Իրանի միջև բանակցությունների շարունակումը կարևոր է: Վերջին տարիներից ի վեր Իրանը առաջին անգամ է քայլ կատարում: Ժնևից հետո կողմերը պետք է էլի հանդիպեն:
Կիպրոս
Կարևոր է, որ կողմերին հանդիպմանը միջնորդող ՄԱԿ-ի գլխավոր քարտուղարը ակտիվություն ցուցաբերի: Սպասում ենք նաև ԱՄՆ-ի աջակցությանը` կողմերին օգնելու հասնել վերջնական համաձայնթյան:
Հայաստան
Թուրքիան չի ցանկանում ապրիլի 24-ին դեմ հանդիման մնալ Ցեղասպանության խնդրի հետ: Այդ նպատակով իր քայլը կատարել է: Ձեռք բերված համաձայնությանը մենք հավատրիմ ենք: Համաձայնությունը առկախած Հայաստանը պետք է մինսկյան գործընթացում առաջխաղացում ունենա:
ՔԲԿ (Քրդական բանվորական կուսակցություն)
Ահաբեկչական կազմակերպություն համարվող «ՔԲԿ»-ի դեմ պայաքարում Վաշինգտոնի աջակից լինելը շատ կարևոր է: Իսկ Ալ-քաիդայի դեմ մեր համատեղ պայքարը շարունակվելու է:
Հակահրթիռային պաշտպանության համակարգ
Հակահրթիռային պաշտպանույթյան համակարգի հարցում պատրաստ ենք համագործակցության: Երկու երկրների մասնգետները կարող են միասին աշխատել և որոշել անելիքների հաջորդականությունը:
Լրահոս
Տեսանյութեր
Պաշտոնական որոշում չկա. Բագրատ Սրբազանը՝ իրեն վարչապետի թեկնածու առաջադրելու մասին
