![](https://panorama.am/news_images/282/844308_1/f55c61276a53e2_55c61276a57f3.thumb.jpg)
Կառավարության շենքի դիմաց ցուցարարներից մեկի ինքնազգացողությունը վատացավ. Շտապօգնություն է ժամանել
Այսօր կառավարության շենքի դիմաց կրկին բողոքի ակցիա էին անցկացնում խաղաղ պայմաններում զոհված զինծառայողների ծնողները: Նիստի ավարտից հետո նրանց մոտեցավ Պաշտպանության նախարար Սեյրան Օհանյանը: Նա ծնողներին ասաց, որ ամեն վայրկյան պատրաստ է նրանց ընդունել, լսել, խոսել:
Ինչպես հաղորդում է Panorama.am-ի թղթակիցը, նախարարին դիմեց Տիգրան Օհանջանյանի մայրը` Գոհար Օհանջանյանը, ասելով, որ այս տարվա նոյեմբերի 29-ին անցկացրած փորձաքննության արդյունքներով պարզվել է, որ տղան չի էլեկտրահարվել, ինչը արդեն հինգ տարի է պնդում է ինքը:
Օհանյանն ի պատասխան ասաց, որ պատրաստ է նորից ընդունել մորը, օր կնշանակի, կհանդիպեն:
Նախարարի հեռանալուց հետո կինը հուզված շարունակում էր բարձրաձայնել բողոքը` «Ես տարիներ շարունակ ասում էի, որ իմ երեխան չի էլեկտրահարվել, ի՞նչ է չէիք հասկանում այդքանը»: Հուզմունքից Օհանջանյանի մոր ինքնազգացողությունը վատացավ, զանգից 20 րոպե հետո դեպքի վայր հասած շտապօգնության աշխատակիցները այս պահին հենց կառավարության շենքի դիմաց նրան օգնություն են ցույց տալիս:
Հիշեցնենք, որ 2007-ին Վարդենսի զորամասում մահացած Տիգրան Օհանջանյանը, ըստ պաշտոնական վարկածի, էլեկտրահարվել է: Հարազատները պնդում են, որ պատահական էլեկտրահարում չի եղել, ըստ մոր, որդուն դիտավորյալ սպանել են:
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)