Ձեր վստահելի աղբյուրը

ԱՄՆ Հայ դատի հանձնախմբի և վրացական կառավարության միջև շարունակվող երկխոսությունը թե’ Թբիլիսիում, թե’ Վաշինգտոնում Վրաստանի դեսպանի միջոցով, նպատակ է հետապնդում ընդլայնել հայ-վրացական համագործակցությունու, ավելացնելու վրացական և հայկական ներդրումները, ինչպես նաև ընդարձակելու ԱՄՆ օժանդակությունը` խրախուսելու Վրաստանի Սամցխե-Ջավախքի (Ջավախքի) շրջանում աշխատատեղերի ստեղծումը: Այս մասին ասված է ՀՅԴ բյուրոյի հանրային կապերի գրասենյակի տարածած հայտարարության մեջ:

«Վրաստանի դեսպանատունը, հետևելով մեր կառավարության էական ջանքերին ապահովելու Սամցխե-Ջավախքի շրջանի և ամբողջ հանրապետության մեր բոլոր քաղաքացիների տնտեսական զարգացումը, պատրաստ է աշխատել ԱՄՆ Կոնգրեսի և Վարչակազմի և ամերիկյան քաղաքացիական հասարակության կազմակերպությունների, ներառյալ, իհարկե, Ամերիկայի հայ համայնքի հետ`խրախուսելու ուղղորդելու ամերիկյան օժանդակությունը բավարարելու Սամցխե-Ջավախքի աշխատատեղերի ստեղծման, ենթակառուցվածքների, տեխնիկական և մարդասիրական կարիքները», - հայտարարել է ԱՄՆ-ում Վրաստանի դեսպան պրն. Թեմուրի Յակոբաշվիլին:

«Դեսպան Յակոբաշվիլիի և վրացական պաշտոնյաների հետ համագործակցաբար, մենք հույս ունենք ընդլայնել հայ և վրացի ժողովուրդների միջև դարավոր կապերը: Նման քայլեր են Սամցխե-Ջավախքի տնտեսական զարգացմանը միտված վրացական կառավարության ներդրումների աճը, ինչպես նաև համատեղ աջակցությունը ԱՄՆ կողմից Վրաստանին տրամադրվող օժանդակությունը, որը ներառում է թիրախավորված օգնություն զգալիորեն հայերով բնակեցված այդ շրջանին», - իր հերթին, ըստ աղբյուրի, հայտարարել է ԱՄՆ Հայ դատի հանձնախմբի նախագահ Քեն Հաչիկյանը:

Անցած սեպտեմբերին պրն. Հաչիկյանն այցելել է Վրաստան և մի քանի հանդիպումներ ունեցել վրացի բարձրաստիճան ղեկավարների և հայ համայնքի առաջնորդների հետ, նպատակ ունենալով առավել ուշադրություն սևեռելու այդ երկրում հայ համայնքի վիճակին:

Թբիլիսի և Ջավածք կատարած մեկ շաբաթյա այցելության ժամանակ, որի ընթացքում պրն. Հաչիկյանին ուղեկցում էր ԱՄՆ Հայ դատի հանձնախմբի արտաքին հարաբերությունների պատասխանատու Էլիզաբեթ Չուլջյանը, քննարկվել են ամերիկահայ համայնքի մտահոգությունները շրջանի սոցիալ-տնտեսական վիճակի և վրացահայ համայնքի մշակույթի և լեզվի պահպանման խնդիրները:

Հաչիկյանն ու Չուլջյանը հանդիպել են Վրաստանի արտգործնախարար պրն. Գրիգոլ Վաշաձեի, մշակույթի նախարար Նիկոլոզ Ռուռուայի, կրթության, արդարադատության, տարածքային զարգացման և ենթակառուցվածքների նախարարությունների, շրջանների ինտեգրացիայի և անվտանգության խորհրդի ներկայացուցիչների հետ (վերջինս համակարգում էր հանդիպումները): Նրանք Վրաստանում ԱՄՆ դեպան Ջոն Բասի, ԱՄՆ միջազգային զարգացման գործակալության տնօրեն Ջոք Քոնելլիի և Հազարամյակի մարտահրավերներ կորպորացիայի ռեզիդենտ-տնօրեն Ջիմ ՄաքՆիոլասի հետ քննարկել են շրջանին տրամադրվող աներիկյան օժանդակության հարցերը:

Թբիլիսիում և Ջավախքում Հայ դատի հանձնախմբի ներկայացուցիչները զրույցներ են ունեցել հայկական հասարակական կազմակերպությունների լայն շրջանակի ներկայացուցիչների և հայ եկեղեցու աստիճանավորների հետ:

Այցի ավարտից հետո Հայ դատի հանձնախմբի ներկայացուցիչները սերտորեն համագործակցում են ԱՄՆ պաշտոնյաների հետ`քննարկելով ԱՄՆ օժանդակություն Ջավածքին ներառյալ պետական-մասնավոր հատված համագործակցությունը, որը կարող է շրջանում արտասահմանյան ներդրումների համար խթան հանդիսանալ: