Ս.Լավրով. «ՌԴ-ն պատրաստ է հնարավորինս ու ամեն կերպ աջակցել ԼՂ հակամարտության խաղաղ կարգավորմանը»
Պաշտոնական այցով Երևանում գտնվող ՌԴ արտգործնախարար Սերգեյ Լավորվը իր ՀՀ գործընկեր Էդվարդ Նալբանդյանի հետ ունեցած համատեղ ասուլիսում հայտարարեց, որ Ռուսաստանը` թե որպես առանձին երկիր և թե որպես ԵԱՀԿ Մինսկի խմբում համանախագահող, պատրաստ է հնարավորինս ու ամեն կերպ աջակցել Լեռնային Ղարաբաղի հակամարտության խաղաղ կարգավորմանը: Եվ որ այս կոնտեքստում Ռուսաստանը, բնականաբար, հաշվի է առնելու կողմերի ցանկությունները, քանզի թե Հայաստանը և թե Ադրբեջանը ՌԴ-ի համար բարեկամական երկրներ են:
Բարձր գնահատելով ՄԽ համանախագահների աշխատանքը` նա նշեց, թե Ռուսաստանի, Հայաստանի ու Ադրբեջանի նախագահների եռակողմ հայտարարություններում է արտացոլված նրանց աշխատանքին տրված բարձր գնահատականը.
«Երկու պետությունների պաշտոնական դիրքորոշումն ամրագրված է թղթի վրա և այդ դիրքորոշումը երկու պետությունները չեն փոխել»,- ընդգծեց Ս.Լավրովը: