![](https://panorama.am/news_images/212/635619_1/f55c5b9dc51275_55c5b9dc5165c.thumb.jpg)
«The New York Times». Պետք է հեռացնել Ալիևի արձանը
Մեխիկոյում փորձագետներից բաղկացած հանձնաժողովը եկել է այն եզրահանգման, որ քաղաքային իշխանությունը պետք է հեռացնի Ադրբեջանի նախկին նախագահ Հեյդար Ալիևի արձանը, որը տեղակայաված էր քաղաքի գլխավոր պողոտայում: Այս մասին տեղեկացնում է «The New York Times» պարբերականը:
Պարբերականը նշում է, որ Հեյդար Ալիևի բրոնզե, ստալինյան ոճի արձանը տեղադրվել է Ադրբեջանի դեսպանատան կողմից, որը վճարել է այն այգու վերանորգման համար, որտեղ և տեղակայված է վերջինիս արձանը:
«The New York Times»-ը հիշեցնում է, որ ցուցարարները հայտարարել էին, որ նրանք վիրավորվել են Հեյդար Ալիևի նման բռնապետի արձանի տեղակայումից, ով սովետական շրջանում եղել է Կոմունիստական կուսակցության ղեկավար, իսկ հետո էլ դարձել Ադրբեջանի նախագահ: Ադրբեջանցի պաշտոնյաները հայտարարել էին, որ արձանի հեռացումը կարող է ազդել Ադրբեջան-Մեխիկո դիվանագիական հարաբերությունների վրա, իսկ հանձնաժողովը նշանակվել էր քաղաքային իշխանությունների կողմից` այդ խնդրին լուծում տալու համար:
Հիեցնենք, որ նախօրեին Մեքսիկայում Ադրբեջանի դեսպան Իլգար Մուխտարովն հայտարարել էր, թե մայրաքաղաք Մեխիկոյում Հեյդար Ալիևի արձանը ապամոնտաժելու դեպքում, դատական հայց կներկայացվի Մեքսիկայի դեմ և կփակի իր դեսպանատունը Մեխիկոյում, միաժամանակ դադարեցնելով 4 մլրդ. դոլար արժողությամբ ներդումային ծրագրերի իրականացումը:
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)