![](https://panorama.am/news_images/187/560102_1/f55c5993f3a02d_55c5993f3a443.thumb.jpg)
«Սումգայիթ. սովորական ցեղասպանություն»-ը` արաբերենով
«Սումգայիթ. սովորական ցեղասպանություն» փաստավավերագրական ֆիլմի արաբերեն տարբերակը ցուցադրվել է Եգիպտոսում ՀՀ դեսպանությունում։
ԱԳՆ մամուլի և տեղեկատվության վարչության հաղորդմամբ, ցուցադրմանը ներկա էին Եգիպտոսի քաղաքական և հասարակական կազմակերպությունների ներկայացուցիչներ, մտավորականներ, լրագրողներ և եգիպտահայ համայնքի անդամներ։
Ֆիլմի ցուցադրումից առաջ ելույթ է ունեցել Եգիպտոսում ՀՀ դեսպան Արմեն Մելքոնյանը, ով, մասնավորապես, ընդգծել է Սումգայիթի ոճրագործության` ադրբեջանական իշխանությունների կողմից նախապես ծրագրված լինելը։ Նա նշել է, որ Սումգայիթում, ինչպես նաև Բաքվում, Կիրովաբադում, Մարաղայում և այլուր իրականացրած հայերի ջարդերի և էթնիկ զտումների համար պատասխանատվությունից խուսափելու նպատակով Բաքուն փորձում է մոլորեցնել միջազգային հանրությանը` ստահոդ քարոզչություն տարածելով Խոջալուի դեպքերի մասին։
Նշենք, որ «Սովորական Ցեղասպանություն» նախագիծն իրականացվում է 2009թ. նոյեմբերից ՀՀ նախագահի աշխատակազմի Հանրային կապերի և տեղեկատվության կենտրոնի կողմից։ Այս ընթացքում ստեղծվել է չորս փաստագրական ֆիլմ՝ Սումգայիթի, Բաքվի, Մարաղայի դեպքերի և «Օղակ» գործողության մասին, որոնք թարգմանվել են մի քանի լեզվով։ Նախագծի այլ մանրամասների կարող եք ծանոթանալ այստեղ:
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)