Կայացավ «Հայաստանը փակուղո՞ւմ, թե՞ խաչմերուկում. Վիլնյուսից առաջ» խորագրով քննարկում
Այսօր Մամուլի ազգային ակումբը ՀՀ-ում Լեհաստանի Հանրապետության դեսպանության աջակցությամբ հրավիրել էր «Հայաստանը փակուղո՞ւմ, թե՞ խաչմերուկում. Վիլնյուսից առաջ» խորագրով քննարկում:
Քննարկմանը մասնակցում էին ՀՀ-ում Լեհաստանի դարտակարգ և լիազոր դեսպան Զդիսլավ Ռաչինսկին, ԱԺ ՀՀԿ խմբակցության անդամ Նաիրա Կարապետյանը,«Ազատ դեմոկրատներ» կուսակցության մամլո խոսնակ Անժելա Խաչատրյանը, «Հրապարակ» օրաթերթի գլխավոր խմբագիր Արմինե Օհանյանը, ՕԵԿ փոխնախագահ Մհեր Շահգելդյանը, Հայաստանի դեմոկրատական կուսակցության նախագահ Արամ Գ. Սարգսյանը, «Ընդդեմ կամայական բռնության» ՀԿ ներկայացուցիչ Լարիսա Ալավերդյանըև ՀՀՇ կուսակցության գործադիր քարտուղար Կարեն Կարապետյանը:
ՕԵԿ փոխնախագահ Մհեր Շահգելդյանը, անդրադառնալով Մաքսային միության անդամակցելու Հայաստանի որոշմանը նշեց, որ նման որոշում պայմանավորված էր միայն և միայն Հայաստանի շահերով
«Հայաստանը գտնվում է տարածաշրջանային զարգացումների խաչմերուկում է, և իր քաղաքականությունը կառուցում է՝ ելնելով իր շահներից»,- ասաց Մհեր Շահգելդյանը:
«ՀՀ հիմնական արտահանումը գնում է ՄՄ երկրներ, այդ թվում՝ գյուղատնտեսական արտադրանքի և այլ ուղղություններով, էներգետիկ ռեսուրսները ներկրվում են այդ երկրներից: Երկուսուկես մլն մեր հայրենակիցները, ովքեր բնակվում են ՌԴ-ում, ցանկություն ունեն Հայաստանի հետ գործարար կապեր հաստատել, նրանք ուզում են աշխատել մաքսազերծ տարածքում: Այսինքն՝ ՄՄ-ին միանալու որոշումը բխում է մեր շահերից»,- հավելեց բանախոսը:
Սակայն ըստ բանախոսի ՄՄ-ին անդամակցելու որոշումը ամենևին չի նշանակում որ Հայաստանը դադարեցնելու է համագործակցությունը ԵՄ-ի հետ:
«Մեր քաղաքականությունը ԵՄ-ի նկատմամբ մնում է, շարունակվում է Հայսատանի ինստիտուցիոնալ արդիականացման գործընթացը: ԵՄ-ի հետ համաձայնությունները, որոնք ձեռք են բերվել, կան և մնում են, և մենք աշխատում ենք այդ ուղղությամբ»,- ասաց Մհեր Շահգելդյանը:
Իր հերթին ՀԴԿ նախագահ Արամ Սարգսյանը նշեց, որ հօգուտ Մաքսային միության Հայաստանի ընտրության հնարցում իր մեղքն ունի նաև Եվրոպան, քանի որ ԵՄ-ըն որևէ Հայաստանի զարգացմանը աջակցելու որևէ իրական քայլ չձեռնարկեց:
Լրահոս
Տեսանյութեր
Փաշինյանն ընդամենը մի տհաճ խոչընդոտ է հայրենիք ունենալու ճանապարհին. Զոհված զինծառայողի մայր