Ձեր վստահելի աղբյուրը

Քանդակագործ, ՀՀ վաստակավոր նկարիչ, ՀՀ նախագահի մրցանակակիր Գետիկ Բաղդասարյանը (1949 թ., Սիսիան) այն համոզմունքին է, որ բարձրակարգ արվեստով պետք է «լցնեն» Հայաստանը, անընդհատ պետք է քարոզեն բարձրակարգը:

«Օրենսդիր մարմինն էլ թող իսկապես արվեստը խթանող օրենքներ ստեղծի արտիստների համար: Թե չէ ստացվում է՝ ստեղծագործողին չեն տարբերում ռեստորանի աշխատողից: Իսկ պետությունը աջակցի ոչ միայն մեր, այլ նաև ստեղծագործական բոլոր միություններին:
Անհարմար եմ զգում, բայց ասեմ՝ այս պահին արվեստանոցում եմ, որտեղ ցուրտ է, իսկ սառած մատներով կավին չեմ կարող մոտենալ… Մշտապես պետք է հիշենք, գուցե ասենք, կրկնենք, որ չմոռանանք՝ փոքր ազգերը աշխարհին ներկայանում են մշակույթով, և վերջ»,- ասել է արվեստագետը (աղբյուրը՝ aravot.am):

Գ. Բաղդասարյանի խոսքով, արվեստագետներն այսօր նեցուկ չունեն. «Արվեստագետները պետք է զգան, որ իրենց մեջքին ուժ ունեն, որ կարող են իրենց համար թիկունք լինել, պահել` լինի դա պետություն կամ անհատ»:

Գետիկ Բաղդասարյանը սովորել է Երևանում Թերլեմեզյանի անվան գեղարվեստի քոլեջում 1964-1968 թվականներին: Իսկ 1969-1974 թվականներին նորից գերազանցությամբ ավարտել է Գեղարվեստի և թատրոնի ինստիտուտը` Քանդակագործության բաժինը: 1975 թվականից հանդիսանում է Երևանի Գեղարվեստի ակադեմիայի ֆակուլտետի խորհրդի անդամ, իսկ 1993 թվականից` քանդակագործության բաժնի ղեկավար: Սկսած 1984 թվականից ցուցահանդեսներ է ունեցել Հայաստանում, Իտալիայում, Կանադայում, Շվեյցարիայում, Վրաստանում, Ռուսաստանում:

«Առաջին քանդակագործն ինքն էր, որ կերտեց Ադամին, հետո Եվային, էսպիսի սերտ կապ կա Արարչի և քանդակագործի միջև»,-խորհրդածում է քանդակագործ Գետիկ Բաղդասարյանը:

Համո Սահյանի հուշարձանը Սիսիանում

Ներսես Ե Աշտարակեցու հուշարձանը Աշտարակում

Հայկական արվեստ շարքը նպատակ ունի նորելու մեր հիշողությունն ու հարգանքը` հանդեպ հայ արվեստի վարպետների ու դասականների:

Շարքի նախորդ հրապարակումները`

Կրթվել է Արևմտյան արվեստի լավագույն ավանդույթներով… Դավիթ Միրզոյան (լուսանկարներ)

Հայրենասիրությունը միայն արվեստագետների ու մտավորականների մենաշնորհը չէ… Լևոն Ասլանյան (լուսանկարներ)

«Ես չեմ ընտրել իմ արվեստը, այն իմ արյան կանչով է»… Անուշ Եղիազարյան (լուսանկարներ)

«… Իմ նկարները ես եմ»… Հասմիկ Ավետիսյան (լուսանկարներ)

ՄԱԿ-ի կազմակերպված ցուցահանդեսում նրա կտավը լավագույնն է ճանաչվել... Վեսո (լուսանկարներ)