![](https://panorama.am/news_images/114/339034_1/f55c531013291c_55c5310132d2c.thumb.jpg)
«Մարզպետարանը թույլ չի տա, որ Գառնու տաճարի տարածքում սրճարանի կառուցեն»
«Գառնու գյուղապետին նախօրեին կանչել են մարզպետարան: Նրան պատասխանել են, որ առանց մարզպետի թույլտվության ոչ ոք իրավունք չունի Գառնիի տարածքում սրճարան կառուցել: Այս պատասխանը Գառնու գյուղապետին գոհացրել է, այդ իսկ պատճառով նա այսօր չի ներկայացել ասուլիսի»,- լրագրողների հետ հանդիպման ժամանակ ասաց Հայաստանի գիդերի միության նախագահ Լիա Բախշինյանը: Նշենք, որ ասուլիսին պետք է մասնակցեր նաև Գառնու գյուղապետ Աշոտ Վարդանյանը:
Ըստ Լ. Բախշինյանի, եթե շինարարությունը շարունակվի, գյուղապետը նորից կմիանա պայքարին ու բացի այդ` ոտքի կհանեն նաև ուսանողությանը:
Մարզպետարանից գյուղապետին հավաստիացրել են, որ արդեն մարզպետարանի մակարդակով կպայքարեն սրճարանի կառուցման դեմ, մարզպետարանը թույլ չի տա, որ այդ տարածքում սրճարան կառուցեն:
Հիշեցնենք, որ «Գառնի» պատմամշակութային արգելոց-թանգարանի տարածքում մշակույթի նախարարության Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի նախաձեռնությամբ կառուցվում է սեզոնային սրճարան:
Լ. Բախշինյանը նշեց, որ Գառնին թանգարան է, թանգարանի կենտրոնում չի կարող սրճարան լինել:
«Չի կարելի սնունդ մատակարարել հոգևոր սնունդ ստանալու հաշվին: Դա նշանակում է, որ մենք սխալ ենք դաստիարակում մեր սերունդներին: Նրանք կհասկանան, որ Գառնի պետք է գնալ մի բաժակ ըմպելիք խմելու համար»,- ասաց Լ. Բախշինյանը:
Նախորդող հրապարակումներ՝
Պիլոտային ծրագիր. «Քանդում են, ջարդուփշուր են անում»
«Մշակույթի նախարարությունն իր ստամոքսային մտածողությամբ փորձում է պղծել մեր մշակույթը». պատմաբան
Գառնու տաճարը՝ սրճարանային դիտակետից
Մշակույթի նախարարը խոստացավ ու պաշտոնապես հայտարարեց
«Պիլոտային» սրճարան՝ «Գառնի» պատմամշակութային արգելոց-թանգարանի տարածքում
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)