![](https://panorama.am/news_images/85/253996_1/f55c50da6128c8_55c50da612cb0.thumb.jpg)
Քառյակը վերջնական որոշում կկայացնի մինչև չորեքշաբթի. Ա.Մինասյան
«Բոլոր մանրամասները և քննարկումները կիրականացնենք առաջիկա երկու-երեք օրերի ընթացքում, մինչև չորեքշաբթի կունենանք արդեն վերջնական գործողությունների ծրագիր: Այդ թվում և Սահմանադրական դատարան դիմելու և նոր նախաձեռնությունների մասով»,- Panorama.am-ին ասաց ՀՅԴ խմբակցության անդամ Արծվիկ Մինասյանը` անդրադառնալով հարցին, թե երբ է պատրաստվում քառյակը դիմել Սահմանադրական դատարան ` վերջին արտահերթի զարգացումների վերաբերյալ:
Հարցին` սա նշանակում է, որ քառյակը կքննարկի նաև կուտակայինի իրենց տարբերակի մշակման հարցը դաշնակցական պատգամավորը դրական պատասխան տվեց:
Ա.Մինասյանից հետաքրքրվեցինք` ՍԴ դիմելը ավելի հավանական է առաջիկայում, թե քառյակը կսպասի աշնան զարգացումներին:
«Դժվարանում եմ այս պահին ասել, քանի որ տեխնիկական հարց կա, այն է` պատգամավորների մի մասը արդեն արձակուրդում է, ինչը դժվարացնում է ստորագրություններ հավաքելու գործընթացը: Այլ խնդիր մենք չունենք»,- արձագանքեց մեր զրուցակիցը:
Ինչ վերաբերում է «Դեմ եմ»-ի հետ հետագա համագործակցությանը, մասնավորապես կուտակայինի նոր նախագծի քննարկման մասով, դաշնակցական պատգամավորը նշեց, որ քառյակը միշտ է համագործակցել ակտիվիստների հետ, այս պահին` ևս. «Առանց «Դեմ եմ»-ի քառյակը չի կարող լավ արդյունքի հասնել և հակառակը` առանց քառյակի իրենք չեն կարող լավ արդյունքի հասնել»:
Հիշեցնենք, նախօրեին ՀՀ նախագահը ստորագրեց Ազգային ժողովի ընդունած «Կուտակային կենսաթոշակների մասին» ՀՀ օրենքում փոփոխություն կատարելու մասին օրենքը:
Նախորդող հրապարակում `
Սերժ Սարգսյանը ստորագրել է «Կուտակային կենսաթոշակների մասին» օրենքի փոփոխությունը
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)