ՀՀ-ում ԱՄՆ դեսպան. Ղարաբաղյան հակամարտության կողմերը իրենք պետք է կարողանան լուծման գալ
«ԱՄՆ-ն և իր դաշնակիցները ողջունում են Հայաստանի նախագահ Սերժ Սարգսյանի՝ ՆԱՏՕ-ի գագաթաժողովին մասնակցելու հանգամանքը: Հանդիպումների ընթացքում նախագահն ազդեցիկ և արդյունավետ կերպով կարողացավ ներկայացնել Հայաստանի դիրքորոշումը»,- Վաշինգտոնի Կարնեգի հիմնադրամի գիտաշխատող Թոմաս դե Վաալի «Սև այգի. Հայաստանն ու Ադրբեջանը խաղաղության և պատերազմի միջով» գրքի լույսընծայման 10-ամյակի կապակցությամբ լրացված ու խմբագրված հոբելյանական հրատարակության պաշտոնական շնորհանդեսի ժամանակ ասաց Հայաստանում ԱՄՆ արտակարգ և լիազոր դեսպան Ջոն Հեֆերնը:
Նրա խոսքով, Ուելսում ԱՄՆ պետքարտուղար Ջ. Քերիի հանդիպումը Հայաստանի և Ադրբեջանի նախագահների հետ նպատակ ուներ ջանքեր ձեռնարկել ղարաբաղյան հակամարտության խնդրի լուծման ուղղությամբ:
Դեսպանի խոսքով, ղարաբաղյան հիմնախնդրի կարգավորման գործընթացում ՆԱՏՕ-ն առաջնորդող դերակատարում չունի, պաշտպանում է հիմնական դերակատար ԵԱՀԿ-ի ղեկավարների դիրքորոշումը, մոտեցումներն այս խնդրի կարգավորման ուղղությամբ:
«Համանախագահները կարող են միջնորդել, խրախուսել, հորդորել, սակայն չեն կարող լուծում պարտադրել, եթե նույնիսկ ցանկանան դա անել: Կողմերը իրենք պետք է կարողանան լուծման գալ»,- ասաց դեսպանը:
Ըստ Ջ. Հեֆերնի, ԵԱՀԿ Մինսկի խումբը պատրաստակամ է շարունակել հետամուտ լինել խնդրի խաղաղ կարգավորմանը:
Նախորդիվ`
Ջոն Քերին ևս մեկ անգամ ընդգծել է հակամարտության խաղաղ կարգավորման այլընտրանքի բացակայությունը
Սերժ Սարգսյան. Կամ կհաղթի խաղաղության ձգտումը, կամ կրկին լուռ խրախուսված կմնան ապագա բոլոր սադրանքները
Լրահոս
Տեսանյութեր
«Ձեր սիրելի Ալիևը «Նոլդու Փաշինյան» երգը միացրած Արցախով պտտվում է». Բագրատ Սրբազանը՝ իշխանությանը