![](https://panorama.am/news_images/30/88270_1/f55c4ca6983536_55c4ca6983917.thumb.jpg)
Եգիպտոսում շնաձուկը սպանել է զբոսաշրջիկին՝ կծելով ոտքը
Գերմանացի զբոսաշրջիկը մահացել է Կարմիր ծովում շնաձկան հարձակումից հետո: Նա գտնվել է Եգիպտոսի Մարսա-Ալամ հանգստավայրում: Այս մասին գրում է Նյուռու.քոմ կայքը՝ հղում անելով տեղական լրատվամիջոցներին:
Դեպքը տեղի է ունեցել շաբաթ օրը, իսկ նախօրեին ոստիկանությունը հաստատել է տեղեկատվությունը: Շնաձուկը հարձակվել է 53-ամյա գերմանացու վրա լողանալու ժամանակ և կծել նրա ոտքը: Հիվանդանոցի ճանապարհին նա մահացել է ստացած վնասվածքներից:
Սա 2010 թվականից հետո տեղի ունեցած նմանատիպ առաջին դեպքն է: 2010 թվականին Եգիպտոսում մի քանի օրվա տարբերությամբ արձանագրվել էր մի քանի նմանատիպ աննախադեպ հարձակումներ: Բոլոր դեպքերը տեղի էին ունեցել Շարմ էլ-Շեյխ ափերին, երեք ռուս և մեկ ուկրաինացի ստացել էին լուրջ վնասվածքներ, գերմանացի զբոսաշրջիկը մահացել էր:
2010թվականին Եգիպտոսի իշխանությունները շնաձկերի հարձակումների պատճառով որոշ ժամանակով փակել էին Շարմ էլ-Շեյխ հանգստավայրը: Այդ ժամանակ մասնագետներն այդպես էլ չէին կարողացել հստակ եզրահանգման գալ, թե ինչու են շնաձկները հարձակվում մարդկանց վրա: Շնաձկներին բնորոշ չէ մարդկանց վրա հարձակումը: Շնաձկների անսպասելի ագրեսիայի գլխավոր պատճառներից մեկը համարվում էր մարդկային գործոնը:
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)