Ձեր վստահելի աղբյուրը

Երկրի ղեկավարի հետ հանդիպման ժամանակ «Ազատ դեմոկրատներ» կուսակցության անդամները ներկայացրել են սահմանադրական բարեփոխումների վերաբերյալ իրենց ունեցած դիրքորոշումը:

«Մենք նախագահականից ստացել էինք հրավեր հանդիպելու, նախագիծը քննարկելու: Եվ մենք որևէ խնդիր չենք տեսնում մեր դիրքորոշումն արտահայտելու նաև նախագականում: Եթե դու ունես ւ բովանդակային առաջարկներ, ու ոչ թե անբովանդակ «ոչ» ես ասում, կանգնում մի կողմ՝ թողնելով, որ հասարակությունը չհասկանա, թե ինչ բացեր ու թերություններ կան այդ նախագծում, ապա պետք է հայտնես դիրքորոշումդ, հակառակը մեզ համար անընդունելի է»,-այս մասին Panorama.am-ին հայտնեց կուսակցության մամուլի խոսնակ Անժելա Խաչատրյանը, ով ևս մասնակցում էր հանդիպմանը:

Հիշեցնենք, որ երկու օր առաջ կուսակցությունը տարածել էր հայտարարություն, ըստ որի «Ազատ դեմոկրատներ»-ը  դեմ են սահմանադրական փոփոխությունների ներկայացված նախագծին:

«Այսօր քննարկման դրված նախագծում կան մի շարք անընդունելի կետեր: Իհարկե, դրույթները շատ են, սակայն հայտարարության մեջ մենք առանձնացրել ենք ամենակարևորները, որոնք պետք է փոփոխվեն, հակառակ դեպքում, ներկա տեսքով նախագիծը մեզ համար անընդունելի է, այդ դրությները նախագիծը դարձնում են ոչ ժողովրդրավարական»,-ասաց Panorama.am-ի զրուցակիցը:

Ա. Խաչատրյանի ներկայացմամբ, երկրի ղեկավարի հետ հանդիպումն անցավ նորմալ մթնոլորտում, «իսկ արդյունավետության ու արդյունքների մասին կարելի է խոսել հետագա քննարկումներից հետո, երբ արդյունքում չեն լինի այն անընդունելի կետերը, որոնք մենք առանձնացրել ենք և որոնք դեռ կան նախագծում: Այսօր հանդիպման արդյունավետության մասին խոսելը դեռ վաղ է»:

Նշենք, որ Նախագահ Սերժ Սարգսյանը, սահմանադրական բարեփոխումների շուրջ խորհրդակցությունների շրջանակում հանդիպումներ է ունեցել ԲՀԿ-ի, ՀՅԴ, ՕԵԿ, ՀՀՇ, «Ազատ դեմոկրատներ», Հայաստանի քրիստոնեա-դեմոկրատական միության ներկայացուցիչների հետ: Երեկ պարզ դարձավ, որ «Ժառանգություն»-ը չի հանդիպի երկրի ղեկավարի հետ:

Նախորդող հրապարակումներ՝
Շահգելդյանը՝ «Ժառանգության» որոշման մասին. Յուրաքանչյուր կուսակցություն ունի իր ռազմավարությունը
«Ժառանգությունը» չի գնա նախագահի հետ հանդիպման. Ա. Մարտիրոսյան
Արարատ Զուրաբյան. Կարծում եմ, մեր ներկայացրած առաջարկություններն ընդունելի են իշխանությունների կողմից
Սերժ Սարգսյանը հանդիպել է Հայոց համազգային շարժում կուսակցության ներկայացուցիչների հետ
Նախագահը հանդիպել է ՕԵԿ ներկայացուցիչներին
«Մեր տեսակետները հիմնական բոլոր ուղղություններով համընկնում են». ՀՅԴ-ն՝ նախագահի հետ հանդիպման մասին
Սերժ Սարգսյանը հանդիպել է ՀՅԴ կուսակցության ներկայացուցիչների հետ
ԲՀԿ-ականները գոհ են երկրի ղեկավարի հետ հանդիպումից
Նախագահ Սերժ Սարգսյանը հանդիպել է ԲՀԿ ներկայացուցիչների հետ