Ձեր վստահելի աղբյուրը

«Մենք ցանկանում ենք պաշտպանել այնպիսի ժողովուրդների ինքնորոշման իրավունքը, որոնք եվրոպական ժողովուրդներ են համարվում, եթե անգամ ԵՄ անդամ չեն հանդիսանում: Այդպիսին է ԼՂՀ իրավիճակը»,-այսօր լրագրողների հետ հանդիպմանը հայտնեց Եվրոպական ազատ դաշինքի նախագահ Ֆրանսուա Ալֆոնսին:

«Մենք հարաբերությւոններ ենք հաստատել Արցախի ժողովրդավարական կուսակցության հետ, մեր հանդիպումները զարգացրել ենք: Կուսակցության նախագահ Աշոտ Ղուլյանին բազմիցս հանդիպելուց հետո՝ որոշել ենք համաձայնություն տալ Արցախի ժողովրդավարական կուսակցության անդամակցությանը մեր ալյանսին՝ որպես ասոցացված անդամ»,-նշեց նա:

Հիշեցնենք, որ Ազգային ժողովի նախագահ Աշոտ Ղուլյանի ղեկավարած Արցախի ժողովրդավարական կուսակցությունը ապրիլի 17-ին դարձել է Եվրոպական ազատ դաշինքի ասոցացված անդամ:

Եվրոպական ազատ դաշինքի նախագահի խոսքերով, այդ անդամակցումը ստացել է փաստաթղթի տեսք, որն ընդհանուր դեկլարացիա է, նրանք այն ցանկացել են հանրայանցնել և ստորագրել հենց Ստեփանակերտում:

Նա նաև նշեց, ոչ Եվրոպական ազատ դաշինքի մեջ են մտնում 13 քաղաքական կուսակցություն, որոնք. ճանաչված են Եվորպական խորհրդարանի կողմից և ներկայացված են ԵՄ 17 երկրներում:

Ֆրանսուա Ալֆոնսին նկատեց, որ այս համաձայնագիրը ենթադրում է քաղաքական համագործակցություն. «Դա վերաբելելու է Եվրապական խորհրդարանի 12 պատգամավորիներին, որոնցից մեկը Ջորդի Սեբաստիան է: Եվրոպական խորհրդարանում նա լինելու է Լեռնային Ղարաբաղի ձայնը, որպեսզի ԼՂՀ բնակիչների ինքնորոշման իրավունքը վերջնականապես ընդունվի: Մենք հուսով ենք, որ կարող ենք նպաստել ԼՂՀ և Ադրբեջանի միջև եղած կոնֆլիկտի խաղաղ կարգավորմանը: Մենք ասում ենք Բաքվի կառավարությանը, որ պետք է հարգել ժողովրդավարությունը»:

Հանդիպմանը ներկա Եվրախորհրդարանի պատգամավոր Ջորդի Սեբաստիան էլ նշեց, որ ԵԽ-ն խստորեն դատապարտել է Հայոց ցեղասպանության ժխտողականությունը և դրան հասնելու համար ծանր աշխատանք է կատարվել ալյանսի կողմից. «Այսօր կարող ենք ասել, որ ԵԽ-ում ներառված է հայկական հարցը»:

Անդրադառնալով ԼՂ հարցին  ԵԽ պատգամավորը ասաց. «Այսօր կա ուղղակի կապ ԼՂՀ ժողովրդի և ԵԽ-ի միջև, և մենք կարող ենք հանդիսանալ ուղղակի ձայնը ԼՂՀ ժողովրդի: Մենք կարող ենք այդ հարցով դիմել ԵԽ բոլոր ներկայացուցիչներին: Մենք դա արել ենք նաև նախորդ տարի ուղղաթիռի կործանման հարցով»:

Մինսկի խմբի գործունեության մասին խոսելիս՝ նա նկատեց. «Մենք անելու ենք ամեն ինչ, որ Մինսկի խումբը ԼՂՀ իշխանություններին ընդունի որպես հակամարտության լիիրավ անդամ և ներառի բանակցությունների գործընթացում»:

Ամփոփելով հանդիպումը՝ բանախոսները ևս մեկ անգամ ընդգծեցին, որ անելու են ամեն ինչ, որպեսզի Արցախի ժողովրդի ինքնորոշման հարցը լուծվի:

Նախորդող հրապարակում՝
Եվրոպական ազատ դաշինքը պայքարում է նույն գաղափարների համար, ինչին ձգտում է Արցախը. Ֆրանսուա Ալֆոնսի