Քարիմ Բենզեմա. «Չգիտեմ՝ ինչու Վալբուենային ասացի, որ դիտել եմ տեսագրությունը»
Հայտնի է դարձել, թե «Ռեալի» հարձակվող Քարիմ Բենզեման ինչ է ասել «Լիոնի» կիսապաշտպան Մաթյե Վալբուենային սադրելու գործով դատական լսումների ժամանակ:
«Վալբուենան իմ լավ ընկերն է, մենք միշտ կատակում են իրար հետ: Ես տեսագրության մասին իմացել եմ Մաթյեի հետ զրույցից 3 շաբաթ առաջ:
Մադրիդում ճաշում էի իմ ընկերոջ՝ Քարիմ Զենատիի հետ (վերջինս նույնպես ներգրավված է այդ գործում- խմբ.): Ինչ-որ մեկը մոտեցավ՝ մեզ հետ տեսագրության գոյության մասին խոսելու համար:
Վալբուենայի հետ խոսեցի Ֆրանսիայի հավաքականի ճամբարում, Հայաստանի ընտրանու հետ հանդիպումից երկու օր առաջ: Նշեցի, որ ինչ-որ հարցով պետք է զրուցեմ իր հետ:
Նա արդեն գիտեր այդ պատմության մասին: Հարցրեց՝ ինչ են ուզում սադրիչները: Ասաց, որ կհանդիպի իր փաստաբանի հետ:
Արդյոք Վալբուենային ասե՞լ եմ, որ տեսել եմ տեսագրությունը: Ես այն չեմ տեսել: Անկեղծ ասած՝ չգիտեմ՝ ինչու ասացի, որ տեսել եմ:
Վալբուենային հորդորեցի հանդիպել իմ ընկերոջ հետ, որովհետև չէի ուզում, որ անունս առնչվի այս պատմությանը:
Իրոք, հիասթափված եմ բարձրացված աղմուկից: Սադրանքը լուրջ բան է»,- ասել է Բենզեման: