![](https://panorama.am/news_images/501/1502350_1/vardanvoskanyan.thumb.jpg)
Օբյեկտիվ իրականությունը նպաստավոր է, որպեսզի մեր ազդեցությունն ավելի տարածվի, դիրքերն ամրապնդվեն. Վ. Ոսկանյան
Այս տարվա ընթացքում տարածաշրջանում, Մերձավոր Արևելքում, Հարավային Կովկասում տեղի է ունեցել երկու կարևոր իրադարձություն, որոնք կարող են վճռական դերակատարում ունենալ կամ արդեն ունեցել են Հայաստանի վրա: Կովկասի ինստիտուտում կազմակերպված կլոր սեղանի ժամանակ ասաց ԵՊՀ իրանագիտության ամբիոնի վարիչ Վարդան Ոսկանյանը:
Ըստ նրա, երկու կարևոր իրադարձություններից առաջինը Իրանի և վեցյակի միջև կայացած համաձայնությունն է, որը թերևս գտնվում է իրականացման փուլում, բայց արդեն իրավիճակ է փոխվել:
Երկրորդ իրադարձությունը սիրիական հակամարտությունն է՝ ՌԴ ներքաշումը հակամարտության մեջ, ռազմական ներկայությունը Սիրիայում, ռուսական ինքնաթիռի խոցումը Թուրքիայի կողմից:
«Այս ամենի արդյունքում Թուրքիան հայտնվեց բոլորվին այլ կարգավիճակում»,- ընդգծեց նա:
Քաղաքագետի խոսքով, ցանկացած փոփոխություն տարածաշրջանում հանգեցնում է դրական և բացասական ելքերի:
Ռուս-թուրքական հարաբերությունների սրումը ռազմի դաշտում, ըստ Վ. Ոսկանյանի, կարող է ազդել Հայաստանի վրա՝ հաշվի առնելով, որ ՀԱՊԿ-ի անդամներից միայն Հայաստանն է, որ ցամաքային սահման ունի Թուրքիայի հետ:
«Նման պայմաններում Հայաստանը ստանում է նոր դերակատարություն: Մենք ունենք լայն հնարավորությունների մի շրջանակ, որոնցից օգտվելը կախված է մեզանից: Օբյեկտիվ իրականությունը նպաստավոր է, որպեսզի մեր ազդեցությունն ավելի տարածվի, դիրքերն ամրապնդվեն»,- ասաց Վ.Ոսկանյանը:
Լրահոս
Տեսանյութեր
![ԱՆԻՖ-ի գործով Ավինյանը Քերոբյանի հայտարարությունը սուտ որակեց](https://panorama.am/video_images/17/50276_1/f66a0f86157c73_66a0f86157cb2.png)
![Կոնկրետ թիրախավորված է Գերասիմ Վարդանյանը. Փաստաբան](https://panorama.am/video_images/17/50265_1/f669fa592e5df9_669fa592e5e49.jpg)