Ձեր վստահելի աղբյուրը

Հայաստանի ազգային վիճակագրական ծառայության հրապարակած 2015-ի հունվար-դեկտեմբեր ամիսների սոցիալ-տնտեսական ցուցանիշների համաձայն, Հայաստանի տնտեսական ակտիվության ցուցանիշը (ՏԱՑ) հունվար-դեկտեմբերին նախորդ տարվա նույն ժամանակահատվածի համեմատ աճել է 3,1 տոկոսով։ Ինչպես տեղեկանում ենք ՀՀ ազգային վիճակագրական ծառայությունից, 2015թ-ի դեկտեմբերին նախորդ տարվա` 2014-ի դեկտեմբերի համեմատ ՏԱՑ-ն աճել է 0,7 տոկոս, իսկ նախորդ ամսվա նոյեմբերի նկատմամբ՝ 20,4 տոկոսով:

Ըստ ԱՎԾ-ի՝ արդյունաբերական արտադրանքի ծավալը հունվար-դեկտեմբերին աճել է 4.4%-ով, նախորդ տարվա նոյեմբերի համեմատ՝ 5,2%-ով, իսկ նոյեմբերի համեմատ՝ 9,3%-ով:

Ինչ վերաբերում է գյուղատնտեսության ոլորտին, ապա  գյուղատնտեսական համախառն արտադրանքի ծավալը 2015թ-ի հունվար-դեկտեմբերին նախորդ տարվա նույն ժամանակահատվածի ավելացել է 11.7%-ով, 2014թ-ի դեկտեմբերի համեմատ՝ 13%-ով, մինչդեռ ամսական կտրվածքով՝ նոյեմբերի համեմատ, արձանագրվել է 6.4%-ի նվազում:

Հունվար-դեկտեմբերին էլեկտրաէներգիայի արտադրության ծավալներն աճել են  0,6%-ով, նոյեմբերի համեմատ աճը կազմել է 9%, իսկ տարեկան կտրվածքով՝  2014թ-ի դեկտեմբերի համեմատ, արձանագրվել է էլեկտրաէներգիայի արտադրության ծավալների 6%-ի նվազում:

Շինարարության ոլորտում էլ 2015թ-ի հունվարի-դեկտեմբերին գրանցվել 0.3%-ի աճ, ամսական կտրվածքով՝ 62.1%-ի աճ, մինչդեռ 2014թ-ի դեկտեմբերի համեմատ գրանցվել է 2,5%-ի անկում:

ԱՎԾ-ի հրապարակած տվյալների համաձայն՝ առևտրաշրջանառության ծավալները հունվար-դեկտեմբերին նվազել են 8%-ով, նախորդ տարվա դեկտեմբերի համեմատ՝ 14.1%-ով, իսկ ամսական կտրվածքով՝ նոյեմբերի համեմատ 46.2%-ի աճ է արձանագրվել:

2015թ-ի  հունվար-դեկտեմբերին 2.7%-ի աճ է գրանցվել ծառայությունների ոլորտում, իսկ նոյմբերի համեմատ՝ 27,6%-ով:

Ինչ վերաբերում է սպառողական գներին, ապա, ըստ ԱՎԾ-ի` 2015թ-ի հունվար-դեկտեմբերին գներն աճել են 3,7%-ով, նոյեմբերի համեմատ՝ 1,7%-ով, իսկ մեկ տարում՝ 2014թ-ի դեկտեմբերի համեմատ սպառողական գները նվազել է 0.1 %-ով:

Ըստ ԱՎԾ-ի` արտաքին առևտրաշրջանառությունը 2015թ-ի հունվար-դեկտեմբերին նախորդ տարվա նույն ժամանակահատվածի համեմատ նվազել է 20.6%-ով, նախորդ տարվա դեկտեմբերի համեմատ՝ 11.2%-ով, իսկ նոյեմբերի համեմատ գրանցվել է 17.6%-ի աճ: 2015թ-ի հունվար-դեկտեմբերին արտահանումը նվազել է 3.9%-ով, իսկ ներմուծումը՝ 26.5%-ով:

Հունվար-դեկտեմբերին հանրապետական միջին ամսական անվանական աշխատավարձն աճել է 7,7 %-ով, իսկ տարեկան կտրվածքով` 1,9%: Պետական համակարգում միջին աշխատավարձը աճել է 8,2%` կազմելով է 163 հազ. 936 դրամ: Ինչ վերաբերում է մասնավոր հատվածին, ապա այստեղ աճը կազմել է 7%՝ հասնելով 213 հազար դրամի: