Global Finance ամսագիր. Հայաստանի լավագույն ներդրումային բանկը Ամերիաբանկն է
Ամերիաբանկը ճանաչվել է 2016թ. լավագույն ներդրումային բանկը Հայաստանում հեղինակավոր Global Finance ամսագրի կողմից: Այս մասին հայտնում են Ամերիբանակի մամուլի ծառայությունից:
Ըստ հաղորդագրության, սյս մրցանակը ներդրումային բանկային ոլորտում ունեցած ձեռքբերումների լավագույն գնահատականն է ամբողջ աշխարհում: Ամերիաբանկի հետ մեկտեղ պարգևատրվել են մի շարք խոշոր միջազգային ներդրումային բանկեր:
Ինչպես նշել են մրցույթի կազմակերպիչները, այս կոչումն Ամերիաբանկին շնորհվել է իր նշանակալից ձեռքբերումների շնորհիվ, որոնց թվում են նաև բանկի կողմից առաջարկվող նորարարական «խելացի» լուծումները: Կարևոր դեր է խաղացել նաև Ամերիաբանկի սերտ համագործակցությունը միջազգային խոշոր կառույցների հետ:
«Մեզ համար մեծ պատիվ է արժանանալ Հայաստանի լավագույն ներդրումային բանկի տիտղոսին Global Finance ամսագրից: Ուրախ ենք նշել, որ Ամերիաբանկն ամրապնդել է առաջատարի իր դիրքերը Հայաստանի ներդրումաբանկային շուկայում: Մեր հաջողության հիմնական գրավականն են հաճախորդին ուղղված որակյալ ծառայությունները, արհեստավարժ անձնակազմը, շարունակական նորարարությունները և ռիսկերի բալանսավորված կառավարումը: Այս ամենի շնորհիվ է, որ մենք ստեղծեցինք մեր մրցակցային առավելությունները և վաստակեցինք մեր հաճախորդների՝ ժամանակով փորձված վստահությունը»,-նշել է Ամերիաբանկի ներդրումային բանկային գործառնությունների գծով տնօրեն Առնո Մոսիկյանը:
Լրահոս
Տեսանյութեր
Երեկ Կիրանցում ամեն ինչ տեղի է ունեցել կառավարության և նրա ղեկավարի հրահրմամբ. Բագրատ Սրբազան