Աշխատանքային օրենսգրքով կամավորների համար աշխատանքային լրացուցիչ երաշխիքներ կսահմանվեն
ՀՀ կառավարությունը հավանություն տվեց Աշխատանքային օրենսգրքում լրացումներ կատարելու՝ 2016 թվականի ապրիլի 1-ից հետո Ադրբեջանի կողմից 1994 թվականի զինադադարի համաձայնագրի խախտման (Ադրբեջանի Հանրապետության կողմից սանձազերծված ռազմական գործողությունների) կապակցությամբ կամավորական հիմունքներով մարտական գործողությունների գոտի մեկնող և զինվորական ծառայության մեջ չգտնվող անձ (աշխարհազորային) համարվող աշխատողների համար աշխատանքային լրացուցիչ երաշխիքներ սահմանելու նախագծին:
Ինչպես գործադիրի նիստում նշեց ՀՀ աշխատանքի և սոցիալական հարցերի նախարար Արտեմ Ասատրյանը, նախագծով ակնկալվում է աշխարհազորային համարվող աշխատողների աշխատանքային իրավունքների լիարժեք պաշտպանության ապահովում՝ 2016 թվականի ապրիլի 1-ից հետո կամավորական հիմունքներով մարտական գործողություններին մասնակցելու ժամանակահատվածում այդ աշխատողների համար աշխատանքային լրացուցիչ երաշխիքների (աշխատատեղի պահպանում և վարձատրության կազմակերպում) սահմանմամբ: Նախագիծը կապահովի կամավորների աշխատատեղերի պահպանմանն ու փոխհամաձայնությամբ վարձատրության ապահովմանըը:
Նախագծով նախատեսվում է աշխարհազորային համարվող աշխատողների աշխատանքային իրավունքների լիարժեք պաշտպանությունն ապահովելունպատակով՝ կամավորական հիմունքներով մարտական գործողություններին մասնակցելու ժամանակահատվածում այդ աշխատողների համար սահմանել աշխատանքային լրացուցիչ երաշխիքներ (աշխատատեղի պահպանում և վարձատրության կազմակերպում): Այս նպատակով նախագծով նաև նախատեսվում է առաջարկվող իրավական կարգավորումներին տալ հետադարձ ուժ՝ դրանք տարածելով 2016 թվականի ապրիլի 1-ից հետո ծագած հարաբերությունների վրա:
Հարակից հրապարակումներ`
- Կամավորականների համար աշխատանքային երաշխիքներ կսահմանվեն
- Առաջարկ. Կամավորներին պետք է դրամական փոխհատուցում տրամադրվի
- Է. Մարուքյան. Պետք է պահպանվեն կամավորների աշխատատեղերն ու սուբսիդավորվեն աշխատավարձերը պետության կողմից
- Մարզպետ. Գարնանացանի աշխատանքներում աջակցել զինծառայողների ու կամավորների ընտանիքներին
- ՊՆ խոսնակ. Շատ կամավորներ վերադառնում են մշտական տեղակայման վայրեր
Լրահոս
Տեսանյութեր
«Տավուշը հանուն հայրենիքի» շարժման անդամները քայլերթով գալու են Երևան. Բագրատ Սրբազան