Ձեր վստահելի աղբյուրը

«Ապրիլյան իրադարձությունները վերջին 22 տարիների ընթացքում, անկասկած, իրավիճակի ամենալուրջագույն սրացումն էին, սայկայն, այն որևէ էական ազդեցություն չի թողել հակամարտության կարգավորման գործընթացի վրա»,-անդրադառնալով ապրիլյան պատերազմին, ինչպես նաև ԼՂ հակամարտության կարգավորման գործընթացին` panorama.am-ի հետ զրույցում նման կարծիք հայտնեց Ռուսաստանի հումանիտար գիտությունների ինստիտուտի պրոֆեսոր, քաղաքագետ Սերգեյ Մարկեդոնովը:

«Ստեղծված իրավիճակը ես կբնորոշեի որպես այս տարածարջանում վերջին 22 տարիների ընթացքում գրանցված ամենալուրջ սրացում, որը դրա հետ մեկտեղ դեռևս չի փոխել հիմնախնդրի բուն կարգավորման ընթացքը: Վերջերս ելույթ ունենալալով Վաշինգտոնում ես նշել էլ, որ ստեղծված իրավիճակը «challenge» (մարտահրավեր) է, սակայն ոչ «change» (փոփոխություն)»,- նշեց Սերգեյ Մարկեդոնովը` հավելելով որ այս բառախաղը լիովին նկարագրում է իրավիճակը:

«Դեռևս չի փոխվել Լեռնային Ղարաբաղի Հանրապետության կարգավիճակը: Այն չստացավ ճանաչում, սակայն և չպարտվեց: Չի փոփոխվել նաև բանակցային ձևաչափը. շարունակում է գործել ԵԱՀԿ Մինսկի խումբը, առկա են նորացված Մադրիդյան սկզբունքները` իրենց տարբերակներով: Դրա հետ մեկտեղ,  Ղարաբաղը դեռևս չի վերածվել Արևմուտքի և Ռուսաստանի միջև բաց հակամարտության հարթակի, ինչպես, օրինակ` դա եղավ Դոնբասում, Աբխազիայում  և Հարավային Օսիայում»,- ընդգծեց մեր զրուցակիցը:

Ինչ վերաբերում է ստեղծված իրավիճակում Մոսկվայի որդեգրած քաղաքական գծին, ապա, ըստ քաղաքագետի, Կրելմը հավասարակշռում է Հայաստանի և Ադրբեջանի միջև` հստակ գիտակցելով իր համար երկու կողմերի կարևորությունը:

Սերգեյ Մարկեդոնովի խոսքով`քանի դեռ չի գտնվել հիմնախնդրի բոլոր կողմերի համար ընդունելի լուծում, Մոսկվան ամեն ինչ անելու է Ստատուս-քվոյի պահպանման համար:

«Մեծ հաշվով՝ շատ բան չի փոխվել, սակայն հայտ է ներկայացվել առ այն, որ նման սրացումերը կարող են կրկնվել: Հիմնախնդրի դեէսկալացիայի հարցը չի լուծվել: Կարծում եմ՝ շատ բան պարզ կլինի հունիսի 19-ից հետո, երբ Բաքվում կանցկացվի «Ֆորմուլա 1»-ի մրցաշարը ,-նշեց Սերգեյ Մարկեդոնովը:

Անդրադառնալով մայիսի 16-ին Վիեննայում կայացած Հայաստանի և Ադրբեջանի նախագահների հանդիպման արդյունքներին՝ քաղաքագետը նշեց, որ լուրջ առաջընթացի ակնկալիքներ այս հանդիպումից չկային:

Դրականն այստեղ, ըստ մեր զրուցակցի, բանակցություններին վերադարձն էր:

Անդրադառնալով Ադրբեջանի հրթիռա-հրետանային զորքերի հրամանատար Զահիդ Հուսեյնովի` օրերս արված այն հայտարարությանը, թե Ադրբեջանը աշխատում է 500 կմ. հեռահարությամբ օպերատիվ մարտավարական հրթիռներ ձեռք բերելու ուղղությամբ և անհրաժեշտության դեպքում պատրաստ անգամ հարվածել Երևանին, մասավորապես, պատասխանելով այս համատեքստում Մոսկվային հնարավոր քայլերի վերաբերյալ հարցին, Սերգեյ Մարկեդոնովը նշեց, որ Կրեմլը ցանկացած պարագայում ամեն ինչ կանի որպեսզի բացառի նման ծայրահեղ զարգացումների հնարավորությունը: