Մենք պետք է հնարավորինս ապահովագրված լինենք բոլոր տեսակի խափանումներից. նախարար
«Մենք պետք է օգտագործենք ժամանակակից տեխնիկայի բոլոր հասանելի միջոցները, որպեսզի հակակարկտային կայանքների աշխատանքը լինի անխափան»,- ասել է ՀՀ արտակարգ իրավիճակների նախարար Արմեն Երիցյանն աշխատանքային ընդլայնված խորհրդակցության ժամանակ:
ԱԻՆ պաշտոնական կայքից տեղեկանում ենք, որ խորհրդակցությանը քննարկվել են հակակարկտային կայանքների արդյունավետությունն առավել բարձրացնելուն վերաբերող հարցեր:
Այսօր Հայաստանում գործում է 460 հակակարկտային կայանք, որոնք ապահովում են երկրի հակակարկտային կարիքների մոտ 9%-ը:
Խորհրդակցությանը ներկա «Ucom» ընկերության տնօրեն Հայկ Եսայանը պատրաստակամություն է հայտնել ընկերության տեխնիկական հնարավորություններն ի սպաս դնել հակակարկտային կայանքների կառավարման համար անհրաժեշտ կապն առավել հուսալի և անխափան դարձնելու հարցում:
Ամփոփելով ոլորտի մասնագետների կողմից հնչեցված խնդիրներն ու դրանց հնարավոր լուծումների վերաբերյալ առաջարկությունները՝ ԱԻ նախարարը համոզմունք է հայտնել, որ ոլորտի մասնագետների համագործակցությունը կարճ ժամանակում կհանգեցնի մինչ օրս արձանագրված տեխնիկական խնդիրների հիմնավոր լուծմանը:
«Մենք պետք է հնարավորինս ապահովագրված լինենք բոլոր տեսակի խափանումներից»,-նշել է նախարար Երիցյանը:
Հարակից հրապարակումներ`
- Հնարավոր է կարկուտ, ամպրոպ և քամու ուժգնացում. Եղանակը Հայաստանում
- Ցիկլոնի պատճառով մեծ է մնում կարկտի հավանականությունը
- Կարկուտը վնասել է մշակաբույսերի ցանքատարածությունները և պտղատու այգիները
- Կարկտային ուրախություն Երևանում
- Հանրապետությունում կարկուտի վտանգը պահպանվում է
Լրահոս
Տեսանյութեր
Բագրատ Սրբազան. Գիտենք թշնամու ախորժակը և այն, թե մեր իշխանություններն ինչպես են վերաբերվում դրան