Մուհամեդ Մուրսին ցմահ ազատազրկման է դատապարտվել
Եգիպտոսի նախկին նախագահ Մուհամմեդ Մուրսին և նրա երկու համախոհներ դատապարտվել են ցմահ ազատազրկման՝ Քատարի օգտին լրտեսության մեղադրանքով: Այդ մասին որոշումը կայացրել է դատարանը, փոխանցում է «РИА Новости» գործակալությունը:
Ըստ աղբյուրի դատական նիստը ուղիղ եթերով հեռարձակվել է եգիպտական հեռուստաընկերությամբ: Եվս 6 ամբաստանյալներ, այդ թվում՝ 3 լրագրողներ դատապարտվել են մահապատժի՝ կախելու միջոցով:
Լրատվամիջոցը տեղեկացնում է, որ դատական նիստի մեկնարկը ձգձգվել է՝ Մուրսիին տեղափոխող ուղղաթիռի ուշանալու պատճառով:
Դատական նիստն սկսելիս, դատավորը հայտարարել է, թե այս գործով դատական 99 նիստ է տեղի ունեցել, որի ընթացքում հարցաքննվել են 48 վկաներ, այդ թվում՝ բարձրաստիճան պաշտոնյաներ:
Ընդհանուր առմամբ այս գործով անցնում է 11 մարդ, այդ թվում՝ Մուհամեդ Մուրսին:
Եգիպտոսի նախկին նախագահին և Եգիպտոսում արգելված «Մուսուլման եղբայրներ» շարժման նրա համախոհներին մեղադրել են այն բանի համար, որ Մուրսիի՝ նախագահի պաշտոնում լինելու ժամանակ հավաքել և քաթարյան հատուկ ծառայությանն են փոխանցել տեղեկություններ եգիպտական հատուկ ծառայությունների և բանակի մասին: Մեղադրյալները բազմիցս հայտարարել են, որ չեն ընդունում մեղադրանքը և այն համարում են եգիպտական իշխանությունների կամայականության արդյունք:
Լրահոս
Տեսանյութեր
Հայաստանում փոքրահասակ բնակչության շրջանում բավականին տարածված է գժախոտով թունավորումը. Ռ. Աբովյան