Կուադրադոն վերադառնում է «Յուվենթուս»
Լոնդոնյան «Չելսիի» կոլումբիացի կիսապաշտպան Խուան Կուադրադոն վարձավճարով տեղափոխվել է թուրինյան «Յուվենթուս»։ Այս մասին հայտնում է isport.ua-ն։ Վարձավճարային պայմանագիրն ուժի մեջ է 3 տարի։ Գործարքի ֆինանսական մանրամասները չեն հաղորդվում։
Խուան Կուադրադոն «Ֆիորենտինայից» «Չելսի» է տեղափոխվել 2015 թ. ձմռանը։ Սակայն նա այդպես էլ չկարողացավ հաստատվել լոնդոնյան թիմի հիմնական կազմում և 2015 թ. ամռանը մեկ տարով վարձավճարով տեղափոխվեց «Յուվենթուս»։ Թուրինում 28-ամյա կոլումբիացին տեղ նվաճեց թիմի մեկնարկային կազմում՝ մրցաշրջանի ընթացքում անցկացնլով 41 խաղ, խփելով 5 գոլ ու կատարելով 8 արդյունավետ փոխանցում։
Վերադառնալով «Չելսի»՝ Կուադրադոն ակումբի ղեկավարությանն ասել է, որ ցանկանում է հեռանալ թիմից։ «Յուվենթուսից» բացի, նրա ծառայություններով հետաքրքրված էին «Միլանն» ու «Ֆիորենտինան»։
Նշենք, որ «Չելսիի» հետ Կուադրադոյի պայմանագիրն ուժի մեջ է մինչև 2019 թ. ամառը, իսկ դա նշանակում է, որ «Յուվենթուսում» վարձավճարային պայմանագրի լրանալուց հետո նա ազատ խաղացողի կարգավիճակ կունենա։
Լրահոս
Տեսանյութեր
Գևորգ Դանիելյան. Շատ վատ է, որ մենք չենք օգտագործում Սահմանադրության անվտանգության բարձիկները