Նոր ՋԷԿ-ի կառուցումը դրական ազդեցություն կունենա մեր էներգետիկ համակարգի վրա. Վաչե Գաբրիելյան
Այս ծրագրի իրագործումը հնարավորություն կտա ապահովելու թե ապահովելու ՀՀ էներգետիկ անվտանգությունը, թե որակապես նոր աստիճանի բարձրացնել էլեկտրաէներգիայի ու բնական գազի ոլորտներում տարածաշրջանային համագործակցությունը,-այս մասին այսօր Երևանի Էրեբունի վարչական շրջանում՝ Երևանի ՋԷԿ-ի հարակից տարածքում, նոր ՋԷԿ-ի կառուցման հիմնարկեքի արարողությանն իր խոսքում նշեց փոխվարչապետ, միջազգային տնտեսական ինտեգրման և բարեփոխումների նախարար Վաչե Գաբրիելյանը։
Նրա խոսքով՝ սա կարևորագույն նոր տեխնոլոգիական նվաճում է, որն անպայման դրական ազդեցություն կունենա մեր էներգետիկ համակարգի վրա. «Սա կարևորագույն իրադարձություն է մասնավոր ներդրումների ներգրավման տեսակետից, սա կարևոր քայլ է հաջորդ տասնամյակներում Երևանի բնակիչների էներգետիկ ապահովության և բարեկացության համար։
Նշենք, որ նոր շոգեգազային ջերմային էներգաբլոկի կառուցման ծրագիրն իրականացվում է մասնավոր ներդրողի՝ «Ռենկո» ՍՊԸ-ի կողմից։
Ջերմաէլեկտրակայանի կառուցման ծրագիրը նախատեսում է մոտ 250ՄՎտ հզորությամբ և մինչև 53 % ընդհանուր ՕԳԳ-ով համակցված ցիկլով գազային էլեկտրակայանի նախագծում, զարգացում, ֆինանսավորում, շինարարություն, շահագործում և տեխնիկական սպասարկում: Պատասխանատուների հավաստմամբ, ներդրումները կկազմեն շուրջ 285 մլն ԱՄՆ դոլար: Շինարարական աշխատանքները կտևեն 26 ամիս և կավարտվեն 2019 թվականի երկրորդ կեսին: Միայն շինարարության ընթացքում կստեղծվի 900 ժամանակավոր աշխատատեղ, իսկ շահագործման հանձնելուց հետո` շուրջ 200 մշտական և բարձր վարձատրվող աշխատատեղ: Նոր ջերմաէլեկտրակայանի շահագործման և տեխսպասարկման գործունեության տևողությունը 20 տարի է:
Հիմնարկեքի արարողությանը ներկա էներգետիկ ենթակառուցվածքների և բնական պաշարների նախարար Աշոտ Մանուկյանն ընդգծեց, որ նոր բլոկի կառուցումը բացառիկ կարևորություն ունի ներքին շուկայում էնեգամատակարարման հուսալիության ու անվտանգության ապահովման համար։
«Այն հնարավորություն կտա նաև մեզ ապահովել հարևան երկրներ էլեկտրաէներգիայի մատակարարման հուսալիությունն ու անխափանությունը, և դառնալ տարածաշրջանային էլեկտրաէներգիայի շուկայի կարևոր մրցակից։ Շատ կարևոր է ոչ միայն ներդրումների ներգրավումն ու ծավալը, այլ նաևդրանց արդյունավետությունը, այս էներգաբլոկի ներդրումները կարելի է համարել առավելագույն արդյունավետը այսօր մեր երկրում»։
«Ռենկո» ընկերության գլխավոր տնօրեն, «Արմփաուեր» ընկերության նախագահ Ջովաննի Ռուբինին շեշտեց, որ սա իրենց ընկերության համար սա պատմական օր է։
« Մեր ընկերությունը Հայաստանում հայտնի է գործունեության երկու տեսակով՝ շինարարություն և հյուրընկալության ոլորտում ձեռնարկած գործունեությամբ։ Այս նախագծի իրականացման շնորհիվ ընկերությունը հնարավորություն ունի Հայաստանում ծավալել իր առանցքային գործունեությունը։
Սա ամենամեծ ներդրումն է, որ «Ռենկո»-ն կատարում է Հայաստանում։ Հավատ ունենք Հայաստանի նկատմամբ և գիտակցում ենք, որ այստեղ իսկապես հաջողության կհասնենք»,-ասաց Ջովաննի Ռուբինին։
Նա ավելացրեց, որ նոր էներգաբլոկը կնպաստի էներգետիկ պահանջարկի բավարարմանը, այն ստեղծի նաև աշխատատեղեր՝ 2,5 մլն մարդ/ժամ կպահանջվի աշխատանքներն իրականացնելու համար, կիրականացվի բարձրորակ աշխատանք. «Ընկերությունը պարտավորություն է ստանձնում հետևել բոլոր պայմաններին ու ժամկետներին, այս ծրագրի իրականացման գործում ներդնել այն նույն եռանդը, որ ներդրել են այլ ծրագրերի իրականացման գործում»։
Հարակից հրապարակումներ`
Լրահոս
Տեսանյութեր
Հայաստանում փոքրահասակ բնակչության շրջանում բավականին տարածված է գժախոտով թունավորումը. Ռ. Աբովյան
