Freedom House. «Մամուլի ազատությունն աշխարհում 2017»

Իրավունք 11:15 28/04/2017 Աշխարհում

Freedom House միջազգային իրավապաշտպան կազմակերպությունը հրապարակել է «Մամուլի ազատություն-2017» զեկույցը, որում գնահատված է մամուլի ազատության մակարդակը 2016 թվականին աշխարհի 199 երկրներում:

Զեկույցում ներառված երկրներն ըստ տարածաշրջանների դասակարգվում են՝ յուրաքանչյուրը ստանալով 0-100 միավոր` համապատասխանաբար` 0-ամենազատ երկիրը, և 100` ծայրահեղ ոչ ազատ:

Սույն միավորները ստացվում են երկրների քաղաքական, իրավական և տնտեսական միջավայրերին տված գնահատականների հիման վրա:

«Մամուլի ազատություն-2017» զեկույցում, ինչպես և նախորդ երկու տարիներին, Հայաստանը շարունակում է գտնվել 60-100 միավորների միջակայքում, որն, ըստ կազմակերպության մեթոդաբանության, ոչ ազատ կատեգորիան է:

Միաժամանակ զեկույցից պարզ է դառնում, որ Հայաստանը ընդհանուր ազատությունների մակարդակով շարունակում է մնալ մասամբ ազատ երկրների, իսկ համացանցի ազատությամբ՝ ամբողջությամբ ազատ երկրների շարքում:

Եվրասիական տարածաշրջանում մամուլի ազատությամբ համեմատաբար բարվոք վիճակում են գտնվում միայն Վրաստանը, Մոլդովան, Հայաստանը, Ուկրաինան և Ղրղզստանը: Ադրբեջանը, Ուզբեկստանը, Թուրքմենստանը օրինակ Հյուսիսային Կորեայի, Էրիթրեայի, Սիրիայի և մի քանի այլ երկրների հետ միասին համարվել են՝ որպես «վատթարագույններ անզատ մամուլ ունեցող երկրների շարքում»:

Ինչպես ահազանգում են զեկույցի փորձագետները, գլոբալ մակարդակով մամուլի ազատությունը դիտարկված տարում անհանգստացնող միտումներ է արձանագրել, արդյունքում նախորդ շուրջ երեք տասնամյակների ընթացքում մամուլի ազատությունն աշխարհում այնքան խնդրահարույց չի եղել, որքան դիտարկված տարում:

Զեկույցում քննադատություններ կան ԱՄՆ նախագահ Դոնալդ Թրամփի հասեցին՝ մամուլի հանդեպ ունեցած վերաբերմունքի պատճառով:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: