ՀՀ ԱԺ նախագահը ցավակցել է Միացյալ Թագավորության խորհրդարանի երկու պալատների նախագահներին
ՀՀ ԱԺ նախագահ Արա Բաբլոյանը ցավակցական ուղերձ է հղել Մեծ Բրիտանիայի և Հյուսիսային Իռլանդիայի Միացյալ Թագավորության խորհրդարանի Համայնքների պալատի նախագահ Ջոն Բերքոուին և Լորդերի պալատի նախագահ լորդ Ֆոուլերին:
ՀՀ ԱԺ հասարակայնության և տեղեկատվության միջոցների հետ կապերի վարչության հաղորդմամբ, ցավակցական ուղերձում ասված է.
«Ձերդ գերազանցություն,
խոր ցավով տեղեկացանք Լոնդոնում տեղի ունեցած դաժան ահաբեկչական հարձակման մասին, որի հետևանքով զոհվեցին ու վիրավորվեցին անմեղ մարդիկ:
Հայաստանի Հանրապետության Ազգային ժողովի և անձամբ իմ անունից մեր խորին ցավակցությունները, զորակցության և կարեկցանքի խոսքերն եմ հղում Ձեզ, Միացյալ Թագավորության բարեկամ ժողովրդին և զոհվածների հարազատներին` մաղթելով ոգու ամրություն եւ համբերություն, իսկ վիրավորներին` շուտափույթ ապաքինում:
Խստագույնս դատապարտում ենք անհանդուրժողականության և ատելության վրա հիմնված ծայրահեղ դրսևորումները: Մեր համախմբված ջանքերը պետք է ուղղված լինեն պայքարելու այս սոսկալի երևույթի դեմ:
Ընդունեք խնդրեմ, Ձերդ գերազանցություն, խորին հարգանացս հավաստիքը»:
Հարակից հրապարակումներ`
- Կաթողիկոս. Ահաբեկչությունը հակառակ է Աստծո կամքին
- Նախագահը ցավակցական հեռագիր է հղել Միացյալ Թագավորության վարչապետին
Լրահոս
Տեսանյութեր
«Ձեր սիրելի Ալիևը «Նոլդու Փաշինյան» երգը միացրած Արցախով պտտվում է». Բագրատ Սրբազանը՝ իշխանությանը