Արցախն ունի պետությանը բնորոշ անխտիր բոլոր հատկանիշները. Գևորգ Կոստանյան
ՄԻԵԴ-ում լսվում են բազմաթիվ գործեր, որտեղ ուղղակի և անուղղակի կերպով քննարկվում են Արցախի ոչ թե միջազգային իրավական կարգավիճակի, այլ պետության ատրիբուտիկային վերաբերող հարցեր: ԱԺ-ում լրագրողների հետ զրույցում այսօր ասաց ՀՀԿ-ական պատգամավոր Գևորգ Կոստանյանը:
«Մինչև այն պահը, երբ Եվրոպական դատարանը սկսեց քննարկել, Արցախի կարգավիճակի, անկախացման գործընթացի, պետականությանը վերաբերող հատկանիշների առկայության հարցը երբևէ իրավական հարթության մեջ չի քննարկվել: Քննարկվել է բացառապես քաղաքական կամ հասարակական-քաղաքական կոնտեքստներում: Եվրոպական դատարանում վարույթների ընթացքում սա առաջին ձևաչափն է, երբ մենք քննարկման առարկա դարձնում ենք Ղարաբաղի կարգավիճակի և դրանից բխող հարցերի լուծումը»,- նշեց պատգամավորը:
Գևորգ Կոստանյանի խոսքով, հայկական կողմը ներկայացնում է բոլոր այն փաստարկները, որոնք հիմնավորում են, որ ԼՂՀ-ն ունի պետությանը բնորոշ անխտիր բոլոր հատկանիշները:
«Այս գործընթացներում խոչընդոտներ, բնականաբար կան և լինելու են, կարծում եմ՝ անվիճելի է, որ մեր հարևան երկիրը գործի է դնում բոլոր հնարավոր և անհնարին միջոցները՝ ոչ միայն խոչընդոտելու, այլև հակառակ արդյունքներ ապահովելու համար: Բայց ես ուզում եմ հիշեցնել, որ երբ մի քանի ամիս առաջ քվեարկության դրվեց Սարգսյանների և Չիրագովի վճիռների կատարման վերաբերյալ կոմիտեի որոշումը, 36 պետություն պաշտպանեց Հայաստանի դիրքորոշումը, իսկ ահա Ադրբեջանի կողմից առաջարկվող փոփոխություններին կողմ էր միայն Ադրբեջանը: Անգամ Թուրքիան ձեռնպահ քվեարկեց»,- ասաց խորհրդարանականը:
Լրագրողները հանրապետական գործչից հետաքրքրվեցին՝ ինչ՞ գործընթացներ կան ՄԻԵԴ-ում ապրիլյան պատերազմի օրերին Թալիշում ռազմական հանցագործությունների հայցերի մասով:
«Այդ բոլոր հանցագործությունների հետ կապված՝ եվրոպական դատարան բազմաթիվ հայցեր են ներկայացված և Հայաստանը, որպես երրորդ կողմ, ներգրավված է: Մեր հիմքերը բավականին անխոցելի են, ապացույցները՝ ամբողջական: Դրանք իրենց ամբողջության մեջ հիմնավորում են, որ ապրիլյան պատերազմի գործողությունների ընթացքում Ադրբեջանի կողմից իրականացվել են ոչ միայն կյանքի իրավունքի դեմ, այլև խոշտանգումների, գույքի վնասման դեպքեր, այսինքն՝ մարդու իրավունքների խախտման մի ամբողջ համալիր»,-ասաց Գևորգ Կոստանյանը՝ կրկին շեշտելով, որ ՀՀ քաղաքացիների կողմից ՄԻԵԴ ներկայացված հայցերը բացարձակ հիմնավոր են:
Անդրադառնալով ՀՀ դատախազությունում մեկնարկած բարեփոխումների գործընթացին՝ նախկին գլխավոր դատախազը նշեց՝ բարեփոխումներ միշտ են կատարվել:
Հարակից հրապարակումներ`
Լրահոս
Տեսանյութեր
«Ձեր սիրելի Ալիևը «Նոլդու Փաշինյան» երգը միացրած Արցախով պտտվում է». Բագրատ Սրբազանը՝ իշխանությանը
