Ծառուկյանը կանխել է «Առինջ մոլի» վաճառականների բողոքի ակցիան ընդդեմ ՊԵԿ-ի. ՀԺ
«Առինջ մոլում» վաճառականների և հարկային ծառայության միջև տարաձայնությունների լուծմանը երեկ ներգրավվել է մոլի սեփականատեր Գագիկ Ծառուկյանը։ Վերջինս հարկային աշխատակիցների հետ միասին հանդիպել է առևտրականների հետ։
Նա հաղորդել է, որ մոլ այցելող հարկային ծառայության աշխատակիցների հետ չվիճեն, փորձեն լեզու գտնել և հարցը լուծեն առանց ԱԺ-ի մոտ միտինգներ կազմակերպելու։ «Հարկայինի հետ կապված ոչ մի խնդիր չկա։ Մեկ-երկու անճշտություն կար, խնդրեցի, որ հավաքվենք, միասին կարգավորենք։ Փաստաթղթերի ճշտումներ է, առանձնապես ոչ մի բան չկա։ Հիմա տեսեք, որ բոլորն էլ գոհ, շնորհակալ են։ Հարցը կկարգավորվի, կգնա»,- «Հայկական ժամանակ»-ի հետ զրույցում ասել է Գագիկ Ծառուկյանը։
Առևտրականների խոսքով՝ խնդիրն այն է, որ հարկայինը յուրաքանչյուր ապրանքի շարժի համար առանձին փաստաթուղթ է պահանջում։ Մինչև վերջերս ապրանքները ներկրում էին այսպես կոչված «կարգոները», որոնք բացի ապրանքները տեղափոխելուց, նաև լուծում էին ապրանքները «կիլոյով» մաքսազերծման հարցը, ինչը բարդություններ էր առաջացնում հարկման տեսանկյունից։
Լրահոս
Տեսանյութեր
«Հավերժի ճամփորդներ». Զոհված տղաների պատմություններն ու երազանքները՝ առցանց ցուցադրությամբ