Քևին Սփեյսիին զրկել են «Էմմիից» ոտնձգությունների մեղադրանքից հետո
Ամերիկացի դերասան Քևին Սփեյսին չի ստանա իրեն շնորհված «Էմմի» մրցանակը, այն հետ են կանչել դերասանի հասցեին առաջադրված ոտնձգությունների վերաբերյալ մեղադրանքներից հետո:
Ռիա նովոստին գրում է, որ International Emmy Founders Award մրցանակի հանձնումը պետք է կայանար Նյու Յորքում հաջորդ ամիս:
«Հաշվի առնելով վերջին իրադարձությունները՝ Սփեյսին չի արժանանա «Էմմի» միջազգային մրցանակի»,- ասված է հեռուստատեսային արվեստների և գիտության միջազգային ակադեմիայի հայտարարության մեջ:
Բացի այդ, սկանդալի ֆոնին, հայտնի է դարձել, որ Սփեյսիի գլխավոր դերակատարմամբ «Խաղաքարտերի տնակը» սերիալի 6-րդ եթերաշրջանը վերջինն է լինելու:
Ավելի վաղ դերասան Էնթոնի Ռեպպը, որը հայտնի է Star Trek սերիալից, պատմել է, որ երբ ինքը 14 տարեկան է եղել, հարբած Սփեյսին փորձել է գայթակղել իրեն: Վերջինը հայտարարել է, որ չի հիշում այդ մասին, այնուամենայնիվ, ներողություն է խնդրել Ռեպպից: Սփեյսիի խոսքով, այդ պատմությունն իրեն համարձակություն է տվել ընդունելու, որ ինքը հարաբերություններ է ունեցել տղամարդկանց հետ:
Լրահոս
Տեսանյութեր
«Տավուշը հանուն հայրենիքի» շարժման անդամները քայլերթով գալու են Երևան. Բագրատ Սրբազան