Գորիսում ապօրինի գործունեություն ծավալած տրանսպորտային միջոցները տուգանվել են
ՀՀ տրանսպորտի, կապի և տեղեկատվական տեխնոլոգիաների նախարարության ՀՀ տրանսպորտային տեսչության կողմից Սյունիքի մարզի Գորիս քաղաքում նոյեմբերի 17-ին իրականացվել են ուսումնասիրություններ և դիտարկումներ՝ ներքաղաքային կանոնավոր երթուղիների սպասարկման կազմակերպման գործընթացի ուղղությամբ։
Նախարարության լրատվական ծառայությունից հայտնում են, որ վերահսկողական գործառույթների արդյունքում պարզվել է, որ Գորիսի ներքաղաքային ավտոբուսային 3 երթուղիներում շահագործվում են մրցույթով չընտրված «Մերսեդես-Սպրինտեր» մակնիշի սպիտակ պետհամարանիշի 3 միկրոավտոբուսներ, որոնցից երկուսը ՌԴ հաշվառման համարանիշերով՝ Y250MA777, K510KY750, և մեկը՝ ՀՀ հաշվառման համարանիշով՝ 01SS090:
Հատկանշական է, որ ապօրինի փոխադրումների արդյունքում լիովին ձախողվել է
այդ երթուղիների սպասարկման մրցույթում հաղթած «ԼԱՍՏ» ՍՊ ընկերության
բնականոն և օրինական գործունեությունը։
«Վարչական իրավախախտումների վերաբերյալ» ՀՀ օրենսգրքի 137.2 հոդվածի 3-րդ ենթակետի պահանջներով՝ ապօրինի գործունեություն ծավալած նշված 3 տրանսպորտային միջոցների նկատմամբ տեղում, սահմանված կարգով, կազմվել են համապատասխան արձանագրություններ։
Աղբյուրը նշում է նաև, որ Գորիս քաղաքում նոյեմբերի 2-3-ին իրականացված տեսչական գործառույթների արդյունքում ևս, նույն՝ Y250MA777 և 01SS090 հաշվառման համարանիշերի տրանսպորտային միջոցները շահագործողների նկատմամբ կազմվել էին վերահսկողության արդյունքների ամփոփման արձանագրություններ։
«Վարչական իրավախախտումների վերաբերյալ» ՀՀ օրենսգրքի համապատասխան հոդվածի համաձայն՝ նման իրավախախտման համար սահմանված է տուգանք՝ 200 հազար ՀՀ դրամի չափով։ Իսկ մեկ տարվա ընթացքում թույլ տված նույն իրավախախտման դեպքում՝ տուգանքի չափը կրկնապատկվում է:
Լրահոս
Տեսանյութեր
«Ձեր սիրելի Ալիևը «Նոլդու Փաշինյան» երգը միացրած Արցախով պտտվում է». Բագրատ Սրբազանը՝ իշխանությանը