Աշոտ Ղուլյանն ընդունել է Անջեյ Կասպշիկին
Արցախի Հանրապետության Ազգային ժողովի նախագահ Աշոտ Ղուլյանը հունվարի 25-ին ընդունել է ԵԱՀԿ գործող նախագահի անձնական ներկայացուցիչ դեսպան Անջեյ Կասպշիկին։ Այս մասին հայտնում են Արցախի Հանրապետության ԱԺ լրատվության և հանրության հետ կապերի բաժնից:
Խորհրդարանի ղեկավարը շնորհակալություն է հայտնել Անջեյ Կասպշիկին հանդիպման նախաձեռնության համար և շնորհավորել պաշտոնում վերանշանակվելու կապակցությամբ՝ նշելով, որ նրա՝ ադրբեջանա-ղարաբաղյան հակամարտության համակողմանի իմացությունն ու երկար տարիների դիվանագիտական փորձը կնպաստեն խնդրի խաղաղ ու արդարացի լուծմանը:
ԵԱՀԿ գործող նախագահի անձնական ներկայացուցիչը` խոսելով Մինսկի խմբի համանախագահների հովանու ներքո անցկացված Հայաստանի և Ադրբեջանի նախագահների և արտաքին գործերի նախարարների մակարդակով վերջին հանդիպումների ու ձեռքբերված պայմանավորվածությունների մասին, հույս է հայտնել, որ դրանք դրական ազդեցություն կունենան առաջնագծում իրավիճակի կայունացման և բանակցային գործընթացի վրա:
Այնուհետև կողմերը մտքեր են փոխանակել առաջնագծում տիրող իրավիճակի վերաբերյալ:
Հանդիպման ավարտին ձեռք է բերվել նման ձևաչափով հանդիպումների շարունակման երկուստեք պայմանավորվածություն:
Լրահոս
Տեսանյութեր
«Ձեր սիրելի Ալիևը «Նոլդու Փաշինյան» երգը միացրած Արցախով պտտվում է». Բագրատ Սրբազանը՝ իշխանությանը