Հաջողվել է ներկայացնել քաղաքական չեզոքության պահպանման տեսակետից բացարձակ անխոցելի թեկնածուներ. Կոստանյան
«Մեր պետության զարգացման ամբողջ ժամանակահատվածում խոսում ենք դատական իշխանության բարեփոխումների մասին: Ես վստահեցնում եմ, որ այսօր Բարձրագույն դատական խորհրդի ձևավորումը այդ բարեփոխման վերջն է ըստ էության, քանի որ իրենց ընտրելով մենք սկիզբ ենք դնում դատական բարեփոխումները կյանքի կոչելուն»,- այսօր խորհրդարանում Բարձրագույն դատական խորհրդի առաջին կազմի հինգ անդամների պաշտոններում թեկնածուների վերաբերյալ մտքերի փոխանակման ժամանակ հայտարարեց Հանրապետական խմբակցության պատգամավոր Գևորգ Կոստանյանը։
Նրա խոսքով՝ բոլորս հասկանում ենք, որ կարևոր է ունենալ լավ օրենքներ, և ցանկացած պետության պայմաններում խոսել սոցիալական, տնտեսական զարգացման մասին ավելորդ է, եթե չունենք պատշաճ դատական համակարգ:
«Բարձրագույն դատական խորհրդի ընտրությամբ, հիմնմամբ մենք սկիզբ ենք դնում իրական դատական բարեփոխումները կյանքի կոչելուն։ Մենք կարող ենք երկրում ունենալ դատական համակարգ, որոնք մեր ակնկալիքները բավարարում է երկու դեպքում, առաջին` կադրային ճիշտ քաղաքականություն և երկրորոդ՝ դատավորների պատասխանատվություն։ Ես ուզում սրանով բոլորիս շնորհավորեմ, որ մենք սկիզբ ենք դնում տրամագրծորեն նոր գործընթացի և համոզված եմ, որ արդյունքները սպասեցնել չեն տալու։ Համոզված եմ, որ կարճ ժամանակահատվածում տեսանելի կլինեն և անգամ մեր հասարակության մոտ այդ համոզմունքը կլինի»,-նշեց Կոստանյանը։:
Պատգամավորը նկատեց, որ ընդդիմադիրների կողմից թեկնածուներին ուղվող հարցադրումները հիմնականում քաղաքական բնույթի էին. «Սա լավ է, որովհետև ոչ անձնական, ոչ մասնագիտական, որևէ տեսակետից ներկայացված թեկնածուները որևէ մեկի կասկածը չեն հարուցում անգամ։ Թեկնածուների պատասխաննները հենց ապացուցեցին այն, որ հեցն իրենք էլ պետք է լինեն բարձագույն դատական խորհրդի անդամները: Մեր գործընկերները հետևողականորեն մեր թեկնածուներին ներքաշում էին քաղաքական հարցերի շուրջ տեսակետներ ունենալուն, նրանք սկզբունքորեն ձեռնպահ մնացին որևէ ձևով ներքաշվելուց քաղաքական բնույթի հարցադրումների մեջ։ Դա հենց նշանակում է, որ մենք մեր խմբակցությանը հաջողվել է ներկայացնել այնպիսի թեկնածուներ, որոնք առնվազն քաղաքական չեզոքության պահպանման տեսակետից բացարձակ անխոցելի են, ինչը ևս մեզ անհարժեշտ է»։
Հարակից հրապարակումներ`
- Այն, ինչ ներկայացվեց, կզարդարեր ցանկացած մարդու կենսագրություն. Արամ Սարգսյան
- Իմ քաղաքական կենսագրությունը տևել է ընդամենը մեկ ամիս. Լիպարիտ Մելիքջանյան
- Գևորգ Դանիելյանը հանրությանը հայտնի է որպես կայացած և անաչառ իրավաբան. Վ. Բաղդասարյան
- Գագիկ Հարությունյան. ՍԴ դիմողների 90 տոկոսից ավելին քաղաքացիներն են
- Գագիկ Հարությունյան. Հանրային գիտակցության տեսակետից արդարության պակասը դարձել է երկրի առաջընթացը խոչընդոտող գործոն
Լրահոս
Տեսանյութեր
Դատարանի դահլիճում Վ. Սաղաթելյանին ու Ն. Սամսոնյանին դիմավորեցին ծափահարություններով