Ձեր վստահելի աղբյուրը

Գարնանային արձակուրդների մեկնարկը Կեմերովո քաղաքի առևտրի կենտրոնում տեղակայված ժամանցի վայրերում նշող երեխաներից շատերը տուն չվերադարձան:

Ականատեսները պատմել են, թե ինչպես երկար ժամանակ նրանք փորձել են դուրս պրծնել կրակի ճիրաններում գտնվող շենքից, բայց անօգուտ:

«Ռիա Նովոստի»  գործակալության փոխանցմամբ, մահացած երեխաներից մեկի մայրը պատմել է, որ դուստրն ընկերուհիների հետ որոշել է չորրորդ հարկում տեղակայված ավտոմատներից կրակել: Վերև բարձրանալով տեսել են կրակ, ծուխ:

«Տեսնելով այդ`= սկսել են փախչել, անվտանգության աշխատակիցներն են կանգեցրել: Ես հարցնում եմ, ով չի թողնում: Նրանք պատասխանում են՝ անվտանգության աշխատակիցները,  համազգեստով տղամարդիկ: Ես ասում եմ՝  ուրիշ աստիճան գտեք: Այստեղ  էլ մուտքը փակում են անվտանգության աշխատակիցները: Նունը կրկնվել է հաջորդ աստիճանի մոտ: Այնտեղ մեծ պանիկա էր»,-պատմել է մայրը:

Քննությունն իրականացնող մարմինն արդեն հայտնել է, որ անվտանգության աշխատակիցների գործողությունները գնահատվում են, արդյունքները կտրամադրվեն քննչական մարմիններին:

Հրդեհվող չորս հարկանի շենքում գտնվող երեխաները վերջին վայրկյաններին կապ են հաստատել հարազատների, մտերիմների հետ, գրառումներ թողել սոցցանցերում:

«Վերջ»,-գրել է նրանցից մեկը:

Անտեղ այրվել են Ալեքսանդրի երեք դուստրերը՝ կրտսերը 5 տարեկան էր, ավագը՝ 11:  Հայրը երեխաներին բերել էր «Շերլոկ Հոմս» մուլտֆիլմը դիտելու: Երեխաներին թողել է չորրորդ հարկում, ինքն իջել ու սպասել առաջին հարկում: Կես ժամ անց երեխաներից մեկը զանգել է, ասել, որ իրենց ներքև իջնել չեն թողնում:

«Life.ru»-ի փոխանցմամբ, հայրը վազել է օգնության, սակայն շմոլ գազից թունավորվել է, թուլացել: Ուշքի գալով, նա հակագազ է խնդրել, որպեսզի կարողա երեխաներին փրկել, նրան մերժել են՝ հիմնավորելով, թե կխաթարի կարգ ու կանոնը:

Սերգեյը կարողացել է փրկել ուրիշի երեխայի կյանքը, սակայն  համադասարանցիների հետ առևտրի կենտրոն եկած դստեր՝ Վիկայի կյանքը փրկել չի կարողացել:

Չորսհարկանի շենքի հրդեհի հետևանքով  զոհվել է 64 մարդ, նրանց թվում շատ երեխաներ: Տուժածների թվում նաև հայեր կան: Այլ մանրամասներ չեն հաղորդվել: 64 զոհերից նույնականացվել է 17-ը:

Տասը մարդ գտնվում է հիվանդանոցում, նրանցից առավել ծանր է 11 տարեկան երեխայի վիճակը: Նա փրկվելու համար դուրս է ցատկել պատուհանից: Բժիշկները հույս ունեն, որ նա կապրի:

Հրդեհի փաստով հարուցված գործով չորս ձերբակալված կա:  Զոհերի թվով այն վերջին հարյուր տարում չորրորդ մեծ հրդեհն է՝  1999-ին Սամարայում հրդեհի հետևանքով 57 մարդ է զոհվել,  2007-ին Կրասնոդարում՝ 63 մարդ, 2009-ին Պերմում՝ 153 մարդ: