Երևանում քամու հետևանքով վնասվել են ավտոմեքենաներ
Մարտի 24-25-ը ՀՀ ամբողջ տարածքում գրանցվել է ուժեղ քամի, որը բազմաթիվ պատահարների ու վնասի պատճառ է դարձել: Այդ օրերին ՀՀ ԱԻ նախարարության «911» ծառայությունն աշխատել է ուժեղացված ռեժիմով:
ԱԻՆ մամուլի ծառայությունից հայտնում են, որ փրկարար ծառայության ստորաբաժանումներն արձագանքել են 129 դեպքի: Հիմնականում վնասվել են շինությունների տանիքներ, շինարարական կառուցվածքային տարրեր, շրջվել են ծառեր և կոտրվել ճյուղեր, ինչպես նաև՝ վնասվել են գովազդային վահանակներ, սյուներ, որոնք խոչընդոտ են հանդիսացել երթևեկության համար։
Երևան քաղաքում գրանցվել է 54 ահազանգ, որից 8-ը՝ շրջված ծառերի մասին (վնասվել է 4 ավտո-մեքենա, 5-ի դեպքում՝ խաթարվել է երթևեկությունը), 17-ը՝ շենք շինությունների կառուցատարրերի վնասում, 29-ը՝ շենք շինությունների տանիքների վնասում, 5-ը՝ այլ (ալեհավաք, պաստառ, էլեկտրասյուն):
Արագածոտնի մարզում գրանցվել է 2 ահազանգ (շենք շինությունների կառուցատարրերի վնասվածքներ):
Արմավիրի մարզում գրանցվել է 3 ահազանգ, 2-ը՝ շենք շինությունների կառուցատարրերի, 1-ը՝ շինության տանիքի վնասվածք:
Արարատի մարզում գրանցվել է 15 ահազանգ,1-ը՝ շրջված ծառի վերաբերյալ, 13-ը՝ շենք-շինությունների տանիքների վնասներ, 1-ը՝ այլ:
Կոտայքի մարզում գրանցվել է 35 ահազանգ, 34-ը՝ շենք-շինությունների տանիքների և 1 ավտոմեքենայի վնասում, 1-ը՝ շրջված ծառի մասին:
Գեղարքունիքի մարզում գրանցվել է 2 ահազանգ՝ շինությունների տանիքների վնասի վերաբերյալ:
Լոռու մարզում գրանցվել է 3 ահազանգ, 2-ը՝ շենքների տանիքների վնասվելու, 1-ը՝ այլ վնասի մասին:
Շիրակի մարզում գրանցվել է 8 ահազանգ: Բոլորն էլ շենք-շինությունների տանիքների վնասվածքների մասին:
Տավուշի մարզում ընդամենը 1 ահազանգ է գրանցվել՝ շինության տանիքի վնասի վերաբերյալ:
Լուսանկարները՝ ԱԻՆ-ից։
Հարակից հրապարակումներ`
- Քամին վնասներ է հասցրել Շիրակի 26 բնակավայրերում
- Ուժեղ քամիներին ընդառաջ ԳՆ-ն հորդորում է ամրացնել ջերմոցները
- Սուրենյան. Հայաստանում սպասվում են վտանգավոր ուժգնության քամիներ
- Քամին ու փոթորիկը մեկ տարում Հայաստանին պատճառել են 110 մլն դրամի վնաս
- Վանաձորում քամին տների ու խանութների տանիքներ է քշել, ծառեր տապալել. ՀԺ