Ձեր վստահելի աղբյուրը

Զինծառայողների ապահովագրության հիմնադրամի ակտիվների և պարտավորությունների կառավարման հանձնաժողովը մայիսի 15-ին  որոշում է կայացրել սահմանված կարգով կատարել հատուցումներ 3 զոհված զինծառայողների ընտանիքներին և մեկ 1-ին խմբի զինհաշմանդամ զինծառայողի:

Panorama.am-ին 1000plus.am կայքից տեղեկացնում են, որ ժամկետային պարտադիր զինծառայող, շարքային Սարգիս Գուրգենի Աբրահամյանի, Սարգիս Մհերի Մելիքյանի, սերժանտ Նարեկ Գևորգի Հարությունյանի ընտանիքներին և ժամկետային պարտադիր զինծառայող 1-ին խմբի զինհաշմանդամ Նարեկ Հայկի Հովեյանին փոխանցվել է միանվագ 10-ական միլիոն ՀՀ դրամ և 20 տարվա ընթացքում կտրամադրվի ամսական 200 000 ՀՀ դրամ:

Հիշեցնենք, որ Սարգիս Գուրգենի Աբրահամյանը (ծնվ. 1998թ.) և Սարգիս Մհերի Մելիքյանը (ծնվ. 1997թ.) զոհվել են 2017 թվականի նոյեմբերի 21-ին՝ ժամը 18:35-ի սահմաններում, ՊԲ հյուսիսարևելյան ուղղությամբ տեղակայված զորամասերից մեկի պահպանության տեղամասում ականի պայթյունից, իսկ զինծառայող, 1998թ. ծնված Նարեկ Հայկի Հովեյանը ստացել է ականապայթյունային վիրավորում: Ականի պայթյունից զինծառայողը հարված է ստացել ճակատային մասում, պարանոցի հատվածում, գլխին հեմատոմաներ են եղել: Վիրավորվելուց հետո նրան տեղափոխել են Ստեփանակերտի հոսպիտալ, որտեղ հեռացրել են մեկ աչքը։

Նշենք նաև, որ սերժանտ Նարեկ Գևորգի Հարությունյանն էլ զոհվել է 2018թ-ի ապրիլի 9-ին՝ ժամը 14:20-ի սահմաններում, ՊԲ հարավային ուղղությամբ տեղակայված զորամասերից մեկի պահպանության տեղամասում, հակառակորդի կողմից արձակված կրակոցից:

Տեղեկացնենք, որ մինչ այս «Զինծառայողների ապահովագրության» հիմնադրամից փոխհատուցում  է ստացել 34  զոհված զինծառայողի ընտանիք և 12 վիրավոր (հաշմանդամ) զինծառայող.

1.Անդրանիկ Սմբատի Մուսիկյան
2. Գոռ Համազասպի Գարեգինյան
3. Գեղամ Հենրիկի Մանուկյան
4. Կարեն Մարատի Ուլուբաբյան
5. Արայիկ Իգորի Սարգսյան
6. Արտակ Էդիկի Ռաֆայելյան
7. Նվեր Յուրիկի Բաբաջանյան
8. Նարեկ Հմայակի Հարութունյան
9. Գոռ Գևորգի Հովհաննիսյան
10. Գոռ Ֆրունզիկի Խուդինյան
11. Գուրգեն Հարությունի Սարգսյան
12. Մհեր Ֆելիքսի Արզումանյան
13.Արմեն Հարությունյան
14. Կարեն Դանիելյան
15. Արայիկ Ռուդիկի Մատինյան
16.Վիգեն Ժիրայրի Պետրոսյան
17.Վարդան Ծովակի Սարգսյան
18.Նարեկ Տիգրանի Գասպարյան
19.Վազգեն Ժիրայրի Պողոսյան
20. Արման Մովսիսյան
21. Արտակ Բիշարյան
22.Ռոբերտ Գասպարյան
23.Արկադի Ղամբարյան
24.Հայկ Խաչատրյան
25.Չապլին Մարգարյան
26.Տիգրան Խաչատրյան
27.Սեյրան Սարգսյան
28.Վաչե Չիլինգարյան
29. Հայկ Քալանթարյան
30.Գրիգոր Եղոյան
31.Շավարշ Մելիքյան
32.էդգար Նարայան
33.Էրիկ Աբովյան
34.Գարիկ Վարդանյան

Վիրավորված (հաշմանդամ) զինծառայողներն են.

1.Կորյուն Կամոյի Կիրակոսյան
2.Ալեքսան Ավանեսյան
3. Արմեն Ռազմիկի Ալիխանյան
4.Թաթուլ Հարությունյան
5.Նարեկ Գրիգորյան
6.Ռոման Գևորգյան
7.Ալիկ Ավանեսյան
8.Ռաֆայել Հայրապետյան
9.Գնել Համբարձումյան
10.Միքայել Սարգսյան
11. Արսեն Հովակիմյան
12.Խաչիկ Գրիգորյան