Կանայք, ովքեր նորարարության միջոցով փորձում են զարգացնել իրենց համայնքը
Մեր կողքին ապրում ու գործում են կանայք, ովքեր նորարական տարբեր ծրագրերի միջոցով փորձում են զարգացնել իրենց համայնքը, կրթական համակարգը, երիտասարդին պահել իր բնակավայրում, տարածել ազգայինը, գովազդել հայրենիքը, նպաստել երեխաների զարգացմանը, ապահովել հետաքրքրիր ժամանց, հիմնել բիզնես, արտադրություն:
Այս կանանց մասին պատմող տասնյակ պատմություններ են անցած ամիսներին հրապարակվել Womennet կայքում: 2017-ի դեկտեմբերին մեկնարկած մրցույթն ավարտվեց, այսօր հրապարակվեցին «Հայ կին նորարարների թոփ տասնյակ» մրցույթի հաղթողների անունները: Մրցույթն անցկացվում է Womennet.am կայքի ու Lush Charity Pot բարեգործական նախաձեռնության աջակցությամբ:
Լավագույն տասը նյութերի հեղինակները` Սոնա Մարտիրոսյան, Լիա Խոջոյան, Արման Ղարիբյան և այլք ու հերոսներն արժանացան մրցանակների:
Նորարար կին հերոսների թվում են անիմացիոն խաղալիքի հավելվածային տարբերակ «Pepen» թիմն ու դրա ղեկավար Շուշան Գրիգորյանը, «Դասավանդիր, Հայաստան» ծրագիրը հիմնադրած Լարիասա Հովհաննիսյանը, Վարդենիս Քաղաքում «Մանկական զարգացման կենտրոն» հիմնած Մելանյա Եփրեմյանը, հայկական տարազի շուրջ հետաքրքրություն առաջացրած ու լուսանկարչական նոր մշակույթ ձևավորած Էմմա Մարաշլյանը, մայրացած աշխատող կանանց օգնության հասնող «Busy mom» խորհրդանշանական անունով կենտրոնը հիմնած Վարդուհի Հարությունյանը, ագրոէկոլոգ Լուսինե Նալբանդյանը, սոցցանցերում «Live-love-Armenia» նախագաիծն իրականացնող սիրիահայ Շաղիկ Ռասթգելանյանը և այլք:
Ժյուրիի անդամնեը խոստովանում են՝ գնահատելիս դժվար կացության մեջ են հայտնվել, երբեմն լրագրողի աշխատանքը գնահատելու փոխարեն տարվել են հերոսի ստեղծածով ու կատարածով:
«Ողջ Հայաստանում, այդ թվում Հայաստանում կանանց դերը նորարարություններում թերագնահատված է: Մենք փորձել ենք ներկայանալի դարձնել այն կանանց, ովքեր իրենց նորարար գաղափարներով և օրինակով փոփոխություններ են բերում հասարակության, համայնքի ու երկրի կյանքում: Նորարար գաղափարներ առաջրկող կանանց առավել մեծ թերահավատությամբ են վերաբերում»,-մրցանակաբաշխության ժամանակ նշեց Womennet. am կայքի խմբագիր Թամարա Հովնաթանյանը:
Ներկայացված պատմություններում նա մի ընդհանրություն է նկատել, կանայք հիմնականում առաջարկում են այնպիսի գաղափարներ, որոնք բխում են համայնքին, շրջապատին օգնելու մղումից, շատ քիչ դեպքերում է, որ այդ ծրագրերը անձնական ամբիցիաների արդյունք են:
Լրահոս
Տեսանյութեր
«Ձեր սիրելի Ալիևը «Նոլդու Փաշինյան» երգը միացրած Արցախով պտտվում է». Բագրատ Սրբազանը՝ իշխանությանը