Փոխնախարար. Հայաստանի արտաքին և անվտանգության քաղաքականության գերակայությունները մնում են անփոփոխ
Բրյուսելում` ՆԱՏՕ-ի կենտրոնակայանում կայացել է ՆԱՏՕ-ի գործընկերության և համագործակցային անվտանգության կոմիտե - Հայաստան ձևաչափով նիստը:
ԱԳՆ մամուլի և տեղեկատվության վարչության փոխանցմամբ, հայկական պատվիրակությունը գլխավորում էր ՀՀ արտաքին գործերի նախարարի տեղակալ Աշոտ Հովակիմյանը: Նիստի ընթացքում քննարկվեց ՀՀ-ՆԱՏՕ Անհատական գործընկերության գործողությունների ծրագրի (ԱԳԳԾ) իրականացման 2017թ. գնահատման զեկույցը:
ԱԳ նախարարի տեղակալ Հովակիմյանն իր ելույթում ներկայացրել է Հայաստանում տեղի ունեցած քաղաքական զարգացումները, շեշտել է, որ ՀՀ արտաքին և անվտանգության քաղաքականության գերակայությունները մնում են անփոփոխ, և Հայաստանը հանձնառու է իր կողմից ստանձնած բոլոր միջազգային պարտավորությունների իրականացմանը։ Այս համատեքստում նշվել է, որ Հայաստանը, լինելով Հավաքական անվտանգության մասին պայմանագրի կազմակերպության և ԵԱՏՄ անդամ, միաժամանակ համագործակցություն է ծավալում Եվրոպական Միության և ՆԱՏՕ-ի հետ:
Փոխնախարար Հովակիմյանն անդրադարձել էԱԳԳԾ շրջանակներում ՀՀ-ՆԱՏՕ փոխգործակցությանը: Նա ընդգծել է ղարաբաղյան հիմնախնդրի բացառապես խաղաղ կարգավորման կարևորությանը։
Լրահոս
Տեսանյութեր
Մի կողմում հայ ժողովուրդն է, մյուս կողմում թշնամին և մեր իշխանությունը միասին. Դավիթ Անանյան