Պետք է ամեն ինչ արվի, որ հանկարծ հասարակությունը չկորցնի վստահությունը կառավարության նկատմամբ. Գ. Պետրոսյան
Այսօր խորհրդարանում հայտարարությունների ժամին «Ծառուկյան» խմբակցության պատգամավոր Գևորգ Պետրոսյանն իր ելությում անդրադարձավ Կուտակային կենսաթոշակների պարտադիր պայմանի հաստատմանը։
«Մենք որպես կառավարությունում մաս կազմող քաղաքական ուժ մեկ անգամ չէ, որ հայտարարել ենք, որ շահագրգռված ենք կառավարության հեղինակությունը բարձր պահելու հարցում, բայց եկեք ընդունենք, որ այդ հեղինակությունը շատ շուտ կարող է տուժել, եթե հասարակությունն արձանագրի մի փաստ, որ կառավարության անդամների մինչև կառավարությունում հայտնվելն ասվածը և կառավարության օրոք ասածը հակասում են իրար»,- նշեց Պետրոսյանը։
Պատգամավորը հիշեցրեց, որ երբ խոսվում էր պարտադիր կուտակային համակարգի մասին, հենց կառավարության առանձին անդամներ ՍԴ-ում ընդգծում էին երեք կարևոր գաղափար. առաջին, որ դա հակասում էր սոցիալական պետության գաղափարին, երկրորդը՝ պարտադիր կուտակային համակարգով խախտվում է անձի սեփականության իրավունքը, և երրորդ՝ չկար վստահություն ժամանակի իշխանության նկատմամբ:
«Ժողովուրդն իրավունք ուներ կասկածել, որ այն կառավարությունը, որ չի կարող իր սոցիալական հոգսը հոգալ, 40 տարի կկարողանա արժանին մատուցել ժողովրդի կատարած ներդրմանը: Լավ ենթադրենք, ժողովուրդն այս պահին իրոք վստահում է կառավարությանը, իրադրություն է փոխվել, բայց մյուս երկու հիմնավորումները չեն կարող հերքվել։
Ես պատկան մարմիների համապատասխան լիազորված անդամների ուշադրությունն ուզում եմ բևեռել այդ ուղղությամբ, որպեսզի ամեն ինչ արվի, որ այս ոլորտում հանկարծ հասարակությունը չկորցնի վստահությունն կառավարության նկատմամբ»,- հայտարարեց Գևորգ Պետրոսյանը:
Հարակից հրապարակումներ`
- Իմ սկզբունքը պահել եմ և այդ սկզբունքը շատ հստակ է` ես դեմ եմ եղել պարտադիր կուտակայինին. Մինասյան
- Պարտադիր կուտակային բաղադրիչը հուլիսի 1-ից կմտնի ուժի մեջ
- Հուլիսի 1-ից ուժի մեջ կմտնի Կենսաթոշակային կուտակային համակարգի պարտադիր բաղադրիչը որոշակի լրացումներով
- Կուտակային համակարգն անցել է անդառնալիության կետը. Փաշինյան
- Մանե Թանդիլյանն առաջարկում է կուտակային կենսաթոշակի համակարգի պարտադիր նորմը հետաձգել մեկ տարով
Լրահոս
Տեսանյութեր
Հրապարակային ասում եմ՝ ԿԳՄՍ փոխնախարար Դանիել Դանիելյան, պետք է ներողություն խնդրես. Բագրատ Սրբազան