Եվրոպական խորհրդարանն աջակցում է Հայաստանի հավակնոտ բարեփոխումներին
Եվրոպական խորհրդարանի պատգամավորների պատվիրակությունը, որը ղեկավարում էր արտաքին հարցերով հանձնաժողովի նախագահ Դևիդ ՄքԱլիստերը, այցելել էր Հայաստան հունիսի 18-ին՝ գնահատելու Հայաստան-Եվրամիություն հարաբերություններն ու բարեփոխումներին ուղղված ջանքները։
9 պատգամավորների պատվիրակությունն Հայաստանում հանդիպել է վարչապետ Նիկոլ Փաշինյանին, ԱԺ նախագահ Արա Բաբլոյանին, ինչպես նաև նախարարներին, պատգամավորներին ու քաղաքացիական հասարակության ներկայացուցիչներին՝ գնահատելու Հայաստանում քաղաքական իրավիճակը, Հայաստան-ԵՄ հարաբերություններն ու նոր բարեփոխումներին ուղղված ջանքերը՝ վերջին քաղաքական իրադարձություններից հետո, որը հանգեցրեց կառավարության փոփոխության։
«Եվրոպական խորհրդարանը շատ ուշադիր հետևել է՝ ինչ տեղի ունեցավ Հայաստանում 2018թ․-ի ապրիլ-մայիս ամիսներին։ Հայաստանում քաղաքացիական ներգրավվածության մակարդակն ու փոփոխություններին խաղաղ աջակցությունը, կոռուպցիայի դեմ պայքարը եղել է տպավորիչ։ Սա առանցքային պահ է Հայաստանի համար՝ ժողովրդավարության ամրապնդման, ԵՄ հետ հարաբերությունների խորացման և երկարատև խաղաղության հաստատման համար: Հայաստանի քաղաքացիները ցանկանում են սա, Հայաստանի իշխանությունները ստանձնել են այս պատրաստակամությունը և Եվրոպական միությունը կլինի այնտեղ՝ աջակցելու այս ճանապարհին յուրաքանչյուր քայլի»,- այցից հետո ասել է պատվիրակության ղեկավար Դևիդ ՄքԱլիստերը, որի ամփոփումը հրապարակվել է Եվրոպական խորհրդարանի տարածած մամլո հաղորդագրության մեջ։
ՄքԱլիստերը նաև ասել է, որ հուլիսի 4-ին Եվրոպական խորհրդարանում տեղի կունենա ԵՄ-Հայաստան Համապարփակ ու ընդլայնված համագործակցության համաձայնագրի վերջին քվեարկությունը։ Այս համաձայնագրի վավերացումը միայն սկիզբն է․ Հայաստանի մոդերնիզացիայի համար առանցքային է նրա իրականացումը։ ՄքԱլիստերը նշել է, որ համաձայնագրի հաջող իրականացումը կօգնի գրավել ԵՄ ներդրումներ, խթանել առևտուրը ԵՄ հետ ու ապահովել կոնկրետ օգուտներ Հայաստանի ժողովրդի համար։
Լրահոս
Տեսանյութեր
«Հավերժի ճամփորդներ». Զոհված տղաների պատմություններն ու երազանքները՝ առցանց ցուցադրությամբ