Ստամբուլում ձերբակալվել է Չեչնիայի նախկին պաշտոնյայի դուստրը
Ստամբուլում հակաահաբեկչական օպերացիայի շրջանակում «Իսլամական պետություն» ահաբեկչական խմբավորման հետ կապ ունենալու կասկածանքով ձերբակալվել է Չեչնիայի Հանրապետության դաշնային միգրացիոն ծառայության նախկին ղեկավար Ասու Դուդուրկաևի դուստրը։
Ռիա նովոստին, հղում անելով Daily Sabah-ին, գրում է, որ Դուդուրկաևի դուստրը՝ Սեդան, մի քանի տարի առաջ Սիրիա փախնելուց հետո դարձել էր ահաբեկչական խմբավորման հրամանատարի՝ Վրաստանի քաղաքացի Աբու Օմար ալ-Շիշանի կինը։
Օպերացիայի շրջանակում ձերբակալվել է հինգ մարդ, այդ թվում նաև ալ-Շիշանի երկու որդիները։ ԻՊ հրամանատարի մահվան մասին դեռ հայտնի էր դարձել 2016-ին։
Չեչնիայի ղեկավար Ռ. Կադրիովը Դուդուրկաևին ազատել էր աշխատանքից բնակչության բողոքներից հետո, նաև այն պատճառով, որ նրա դուստրը գտնվում է Սիրիայում՝ «ավազակների մեջ»։
Դուդուրկաևին առաջարկվել էր օգնություն աղջկան հայրենիք վերադարձնելու համար, բայց նա հայտարարել էր, որ ինքնուրույն կլուծի հարցը։ Արդյունքում նա հաջողության չի հասել։
Լրահոս
Տեսանյութեր
Բագրատ Սրբազան. ՔՊ անդամներ արդեն իսկ ներքին ուղերձներ են հղում, թե ինչպես կարող են միանալ մեզ