Մեր ծրագիրը վերջնական ճշմարտություն չէ. Րաֆֆի Հովհաննիսյան
«Դա միանգամայն հարգելի տեսակետ է, և իր իրավունքն է»,- այս մասին այսօր լրագրողների հետ հանդիպմանն ասաց «Ժառանգություն» կուսակցությունից քաղաքապետի թեկնածու Րաֆֆի Հովաննիսյանը՝ անդրադառնալով ելույթներից մեկի ժամանակ վարչապետ Նիկոլ Փաշիյանի այն հայտարարությանը, որ «թեև հարգում եմ քաղաքապետի բոլոր թեկնածուներին, սակայն չկա մեկը, որը լինի ժողովրդին ավելի մոտիկ և սիրելի, որքան որ Հայկ Մարությանը»։
«Հայկ Մարությանը ինձ նույնպես սիրելի է, ինչպես նաև մյուս թեկնածուներից շատերը։ Չկա կատարյալ այլընտրանք, ով ասի, որ պետությունը ես եմ, քաղաքը ես եմ, այլընտրանքը ես եմ, ինքը չի մտածում քաղաքացուն պատկանող ժողովրդավարական Հայաստանի մասին»,- նշեց Հովհաննիսյանը։
Թեկնածուի խոսքով՝ սեպտեմբերի 23-ին լինելու են ընտրություններ, որոնք նախորդի համեմատ առաջընթաց են ապահովելու, սակայն լիովին հավասար պայմանների մասին հնարավոր կլինի խոսել արդեն հաջորդ ընտրություններին. «Մենք ակնկալում ենք, որ քաղաքացին գիտակցված ընտրություն կկայացնի»։
Ինչ վերաբերում է քաղաքական ուժի ներկայացրած ծրագրին, Րաֆֆի Հովհաննիսյանն ասաց, որ իրենց ծրագիրը վերջնական ճշմարտություն չէ, այն վերանայման ենթակա է, ըստ մասնագետների, շահառու քաղաքացիների մասնակցության։
«Ընթացակարգային քայլ ենք առաջարկում, առաջիկա օրերին կհրավիրվի համակարգային կոնսիլիում, և Երևանի ողջ ընդերքը, ծավալները, տարածքները, ոլորտները կենթարկվեն գույքագրման, մեծ վերլուծականի, որը հիմք կտա խնդիրների՝ ըստ հերթականության և զուգահեռ լուծման: Սա անհրաժեշտ է ընթացակարգի առումով և շատ լավ է, որ կան ծրագրային նմանություններ, այստեղ կարևոր է այս խնդիրները քայլ առ քայլ և համատեղ ուժերով լուծելու հանձնառությունը»,- հայտնեց նա։
Հարակից հրապարակումներ`
- Մեզ պետք չեն սև ու սպիտակ, կանաչ կամ երկնագույն, մեզ պետք է գույների ամբողջական տարապատկերը. Րաֆֆի Հովհաննիսյան
- Բոլորը հարգելի մրցակիցներ են. Րաֆֆի Հովհաննիսյան
- «Ժամանակ». Ժառանգության քարոզչությունը մեկնարկել է խախտումով
- Րաֆֆի Հովհաննիսյան. Չենք համարում, որ որևէ մեկը գոյություն չունի կամ գունավորված է
- «Ժառանգությունը» հրապարակել է իր ընտրական ծրագիրը
- Րաֆֆի Հովհաննիսյանը հանդիպման կոչ է անում Երևանի քաղաքապետի բոլոր թեկնածուներին
- «Ժառանգությունը» Երևանի քաղաքապետի թեկնածու է առաջադրել Րաֆֆի Հովհաննիսյանին
Լրահոս
Տեսանյութեր
Մի կողմում հայ ժողովուրդն է, մյուս կողմում թշնամին և մեր իշխանությունը միասին. Դավիթ Անանյան