«Ժառանգության» վստահված անձանց կողմից գրանցվել է խախտում
«Ժառանգություն» կուսակցության նախընտրական շտաբից տեղեկացնում են, որ այս պահի դրությամբ «Ժառանգության» վստահված անձանց կողմից գրանցվել է միայն մեկ խախտում:
Կուսակցության հայտարարության համաձայն, ժամը 13:30-ի մոտակայքում 7/10 ընտրատեղամասում (Մալաթիա-Սեբաստիա) մի ընտրող խցիկում հեռախոսով նկարահանել է քվեարկած քվեաթերթիկը: Այս խախտումը նկատել և ահազանգել է «Ժառանգության» միջազգային հարցերով քարտուղար Անդրանիկ Գրիգորյանը: Քաղաքացու տվյալները գրանցվել են ոստիկանության կողմից: Անդրանիկ Գրիգորյանի հետ հեռախոսազրույցի ժամանակ Ոստիկանության Շահումյանի բաժնի պետը խոստացել է հետևողական լինել ընտրական խախտումն իրականացրած քաղաքացուն պատասխանատվության ենթարկելու հարցում:
«Մենք նաեւ ուսումնասիրում ենք ըստ թաղամասերի ընտրություններին մասնակցության կասկածելի մեծ տարբերությունը: Մասնավորապես, մեր նախնական դիտարկումների համաձայն Արաբկիր համայնքի ընտրական տեղամասերում դիտվում է հիմնականում ցածր մասնակցություն, մինչդեռ Մալաթիա-Սեբաստիայի բազմաթիվ տեղամասերում ժ. 15:00- դրությամբ մասնակցությունը անհամեմատ բարձր էր»,- նշված է «Ժառանգության» հայտարարության մեջ:
Հարակից հրապարակումներ`
- Դատախազություն. Ուսումնասիրվել է ենթադրյալ ընտրական խախտումների վերաբերյալ ահազանգման 123 դեպ
- «Թեժ գծին» 12:00-16:00-ը ստացվել է 10 հեռախոսազանգ
- Խախտումներ կան, բայց դրանք համեմատության մեջ չեն նախորդ ընտրախախտումների հետ. Լևոն Բարսեղյան
- 8/16-ում քվեարկել է ոչ թե մահացած պապը, այլ՝ նրա թոռը
- «Թեժ գծին» ժամը 12:00-ի դրությամբ ստացվել է 11 հեռախոսազանգ
- Ընտրախախտումների համար ՀՀ ոստիկանությունում գործում է շուրջօրյա «Թեժ գիծ» ծառայություն