Վրաստանի ՆԳՆ հայտարարությունը՝ Ախալքալաքում տեղի ունեցած բախման վերաբերյալ
Վրաստանի ներքին գործերի նախարարությունը հայտարարություն է տարածել հոկտեմբերի 30-ին Ախալքալաքում տեղի ունեցած բախման վերաբերյալ: Այս մասին գրում է Jnews-ը։
«Դեպքի վերաբերյալ ծանուցումն ստանալուց անմիջապես հետո հետաքննություն և ընթացակարգային գործողություններ են իրականացվել, ստուգվել է դեպքի վայրը և շրջակա տարածքները։ Հարցաքննվել են տասնյակ վկաներ, ընդ որում «Միավորված ընդիմության» և «Վարցական երազանք» կուսակցության ներկայացուցիչները, կոնֆլիկտին մասնակից և հարուցված քրեական գործի հետ կապված մի շարք անձիք։ Մինչ հիմա բոլոր տուժածների հարցաքննությունը չի իրականացվել։
2018 թվականի հոկտեմբերի 30-ին տուժածները հրաժարվել են մեր հարցերին պատասխանել, ինչն էլ սկզբնական շրջանում իրական հանգամանքների որոշելու առումով որոշակի խնդիրներ առաջացրեց։ 2018 թվականի հոկտեմբերի 31-ին վերոնշյալ անձինք համաձայնել են տեղեկություններ տրամադրել հետաքննությանը: Նրանցից երկուսն արդեն հարցաքննվել են։ Մյուս երկու տուժածներն ըստ իրենց ցանկության կքննվեն։
Նախաքննությունը շարունակվում է, հանցանքի դրդապատճառներն ու փաստացի հանգամանքները պարզելու համար։ Քրեական հետապնդման համար բավականաչափ ապացույցներ ձեռք բերելու դեպքում հետաքննությունը հնարավորինս կարճ ժամանակում հանցագործության մեղավորներին պատասխանատվության կենթարկի: Հետաքննության շրջանակներում անցկացվում է նաև դատաբժշկական և այլ անհրաժեշտ փորձաքննություն։ Ուսումնասիրվում է դեպքի վայրում տեղադրված տեսախցիկների ձայնագրությունները»,- ասվում է Ներքին գործերի նախարարության հայտարարությունում։
Հիշեցնենք, որ հոկտեմբերի 30-ին Ախալքալաքում «Ուժը միասնության մեջ է» քաղաքական դաշինքի շտաբի մոտակայքում տեղի էր ունեցել զանգվածային ծեծկռտուք, 4 հոգի տեղափոխվել էին հիվանդանոց։ Ծեծի ենթարկվածները «Ուժը միասնության մեջ է» դաշինքի նախընտրական շտաբի աշխատակիցներ էին, նշվում էր, որ նրանց ծեծել էին Վրաստանի խորհրդարանի պատգամավոր Հենզել Մկոյանի կողմնակիցները և բարեկամները: Զանգվածային ծեծկռտուքի դեպքի առթիվ Վրաստանի Քրեական օրենսգրքի 239-րդ հոդվածի 2-րդ և 3-րդ մասերով («հրազենով կամ այլ զենքի տեսքով օգտագործված առարկայով կատարված կանխամտածված խուլիգանություն») հարուցվել է քրեական գործ:
Հոկտեմբերի 28-ին Վրաստանում կայացել են նախագահական ընտրություններ, սակայն թեկնածուներից որևէ մեկը չի ստացել անհրաժեշտ քանակությամբ ձայն ընտրություններում հաղթելու համար։ Կայանալու է ընտրությունների երկու փուլ, որին մասնակցելու է անկախ թեկնածու, արտաքին գործերի նախկին նախարար Սալոմե Զուրաբիշվիլին, ում աջակցում է իշխող «Վրացական երազանք» կուսակցությունը և արտաքին գործերի նախկին նախարար, միացյալ ընդդիմության թեկնածու Գրիգոլ Վաշաձեն։
Հարակից հրապարակումներ`
- Վրաստանի խորհրդարանում աջակցել են Հենզել Մկոյանին
- Պատգամավոր Հենզել Մկոյանը պատմել է Ախալքալաքում տեղի ունեցած միջադեպի մասին
- Նախագահի թեկնածու Գրիգոլ Վաշաձեն մեկնել է Ախալքալաք
- Զանգվածային ծեծկռտուք՝ Ախալքալաքում
Լրահոս
Տեսանյութեր
«Հավերժի ճամփորդներ». Զոհված տղաների պատմություններն ու երազանքները՝ առցանց ցուցադրությամբ