Ինձ համար հերթական ընտրություններ են. Արայիկ Հարությունյան
«Սկզբունքը եղել է պրոֆեսիոնալիզմը, քաղաքական անցած ճանապարհը, քաղաքական պրոցեսների վրա ազդելու հնարավորությունները, հանձնաժողովներում տեղ զբաղեցնելու հնարավորությունները»,- այսօր ԱԺ-ում լրագրողների հետ զրույցում հայտարարեց ՀՀ ԿԳ նախարարի պաշտոնակատար, «Քաղաքացիական պայմանագրի» վարչության անդամ Արայիկ Հարությունյանը։
Լրագրողների հարցին, թե այս քարոզարշավն ինչով է տարվերվելու նախորդներին, նա ասաց. «Ինձ համար հերթական ընտրություններ են, ես անցած համապետական ընտրություններին էլ եմ մասնակցել, նկատում եմ, որ ինչպես անցած ընտրություններին եմ նախապատրաստվել, հիմա էլ եմ այդպես նախապատրաստվում»։
Նրա խոսքով՝ ընտրությունների բուն պրոցեսի հետ կապված խոչընդոտներ չկան, քաղաքական թիմերի կողմից տարբեր խմբերի նկատմամբ ճնշումներ չկան, դպրոցները ապաքաղաքական են։
Լրագրողների մեկ այլ հարցի, թե մամուլում գրել են, որ Նիկոլ Փաշինյանը պատռել է ՔՊ նախնական ցուցակը, Արայիկ Հարությունյանը պատասխանեց. «2008թ., երբ որ ավելի խորը քաղաքական պրոցեսների մեջ մտա, ինձ մոտ միշտ ծիծաղ էր առաջացնում նման հրապարակումը, երբ որ, ասենք, գործընկերներիդ հետ նստած մի շտաբում աշխատում ես , մեկ էլ մամուլը գրում է, որ նրանցից երկուսը միմյանց քիթ են կոտրել, կռվել են իրար հետ արել, բայց այդ մարդիկ քեզ հետ նստած են: Ցուցակի քննարկումները բավականին հարթ են անցել, եղել են, իհարկե, տարակարծություններ, բայց այդպիսի բան չի եղել»։
Հարակից հրապարակումներ`
- «Իմ քայլը» ցուցակը ներկայացրեց ԿԸՀ
- Արայիկ Հարությունյանը ընտրություններին ցանկացած մասնակցողին մրցակից է համարում
- Արայիկ Հարությունյանը կառաջադրվի Շենգավիթ և Մալաթիա Սեբաստիա վարչական շրջաններում
Լրահոս
Տեսանյութեր
«Ձեր սիրելի Ալիևը «Նոլդու Փաշինյան» երգը միացրած Արցախով պտտվում է». Բագրատ Սրբազանը՝ իշխանությանը