Հայտնի են «Ոսկե գլոբուսի» հաղթողների անունները
Լոս Անջելեսում տեղի է ունեցել «Ոսկե գլոբուսի» 76-րդ մրցանակաբաշխությունը։
Ինչպես հայտնում է «Լենտա.ռու»-ն, լավագույն դրամատիկական ֆիլմ դարձել է «Բոհեմյան ռապսոդիան», լավագույն դրամատիկական դերասանուհի՝ Գլեն Քլոուզը՝ «Կինը» ֆիլմում դերի համար։
«Լավագույն ֆիլմ՝ կատակերգություն կամ մյուզիքլ» անվանակարգում մրցանակ ստացել է «Կանաչ գիրք» ֆիլմը, որը նաև հայտարարվել է որպես լավագույն սցենար։ Կատակերգական ֆիլմում կամ մյուզիքլում դերակատարման համար մրցանակ է ստացել «Իշխանություն» ֆիլմում նկարահանված Քրիստիան Բեյլը։ Նույն անվանակարգում լավագույն դերասանուհի ճանաչվել է Օլիվիա Քոլմանը՝ «Ֆավորիտուհին» ֆիլմի աստղը։
Լավագույն ռեժիսոր է հռչակվել Ալֆոնսո Կուարոն «Ռոմա» ֆիլմի համար։ Այս ֆիլմը հաղթել է նաև «Օտար լեզվով լավագույն ֆիլմ» անվանակարգում։
Լավագույն սաունդթրեք է ճանաչվել Լեդի Գագայի Shallow ստեղծագործությունը՝ գրված «Աստղը ծնվել է» ֆիլմի համար։
Նշենք, որ «Ոսկե գլոբուսն» «Օսկարից» հետո երկրորդ հեղինակավոր մրցանակաբաշխությունն է։
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին